ԵՐԵՎԱՆԻ ԺԱՄԱՆԱԿՈՎ. «Եթե ամեն ինչ վերածելու ենք շահույթի, կարելի է փակել թատրոնները և դրանց փոխարեն մոլեր բացել»․ Ռուբեն Բաբայան

Լուրեր

17.07.2018 | 18:38
Վարչապետ Նիկոլ Փաշինյանն այսօր ներկա էր Արամ Մանուկյանի արձանի բացման արարողությանը
17.07.2018 | 18:30
ԿԳՆ- Հայաստան-ԵՄ. կրթական համագործակցության նոր հեռանկարներ
17.07.2018 | 18:27
Արամ Մանուկյանի արձանի բացման արարողությունը․ ուղիղ միացում
17.07.2018 | 18:01
Ինչո՞ւ է կաթը մթերվում 120 դրամով, վաճառվում՝ 400-ով. ՏԵՍԱՆՅՈՒԹ
17.07.2018 | 17:53
Ոստիկանին մեղադրանք է առաջադրվել լրագրող Տիրայր Մուրադյանի մասնագիտական օրինական գործունեությանը խոչընդոտելու համար
17.07.2018 | 17:43
Հակոբ Ավագյանը նշանակվել է ՀՀ տնտեսական զարգացման և ներդրումների փոխնախարար
17.07.2018 | 17:41
Կարգալույծ է հռչակվել Կորյուն աբեղա Առաքելյանը
17.07.2018 | 17:37
Մեսրոպ Առաքելյանը նշանակվել է վարչապետի խորհրդական
17.07.2018 | 17:28
Փնտրվում է լուսանկարում պատկերված տղամարդը, որը ոտնձգություն է կատարել անչափահասի նկատմամբ. ԼՈՒՍԱՆԿԱՐՆԵՐ
17.07.2018 | 17:14
«Թուրքիայի հետ եվրաինտեգրման շուրջ բանակցություններն անհապաղ պիտի դադարեցնել». Կուրց
17.07.2018 | 16:59
«Հեղափոխություն՝ մշակույթո՞վ, թե՞առանց մշակույթի» քննարկումն ՝ ՈՒՂԻՂ
17.07.2018 | 16:53
Վայոց ձորում Գարեգին Բ-ի տեղաշարժն արգելափակելու դեպքի առնչությամբ նյութեր են նախապատրաստվում. ՔԿ
17.07.2018 | 16:48
ՀՀ-ԵՄ հարաբերությունների զարգացման գնահատականներն ավելի լայն շրջանակ պետք է ընդգրկեն, քան պարզապես Փաշինյան – Սվիտալսկի փոխհրաձգությունը. Արմեն Աշոտյան
17.07.2018 | 16:29
Հիմա ում է ծաղրելու «Ցեցը»․ Հայաստանում կոմիքսների առաջին գիրքն արդեն վաճառքում է. ՏԵՍԱՆՅՈՒԹ
17.07.2018 | 16:23
Հո՞ միայն Դանիել Իոաննիսյանի անձնական պատկերացումներով չի. ԱԺ-ում ԸՕ-ի քննարկումը շարունակվում է. ՏԵՍԱՆՅՈՒԹ
Բոլորը

«Եթե ուզում ես ավելացնել թատրոնի շահույթը, պետք է ավելացնես ներդրումը, հակառակ դեպքում հնարավոր չէ շահույթի ավելացում պահանջել, հատկապես եթե հաշվի առնենք այն հանգամանքը, որ տարեկան պլանի շրջանակում պահանջներ ներկայացնելուց առաջ մարքեթինգային լուրջ ուսումնասիրություն տեղի չի ունեցել, մարդկանց վճարունակությունն, օրինակ, չի բարձրացել»,- նման տեսակետ է հայտնում Երևանի պետական տիկնիկային թատրոնի տնօրեն, գեղարվեստական ղեկավար Ռուբեն Բաբայանը Factor.am-ի «Երևանի ժամանակով» զրուցաշարի շրջանակում։

Նա անդրադառնում է այն փաստին, որ 2017 թվականին պետությունը բարձրացրել է թատրոնի տարեկան շահույթի չափը․ կառույցը, համեմատած նախորդ տարվա հետ, պետք է 10 միլիոն դրամով ավելի շահույթ ապահովի։ Փոխարենը 8,5 միլիոն դրամով պակասել է թատրոնի սուբսիդավորումը։ Այս միտումն, ի դեպ, վերաբերում է Հայաստանի մյուս թատրոններին ևս։

Մեր զրուցակիցը շեշտում է՝ յուրաքանչյուր նոր բեմադրություն թատրոնի համար արժենում է 2-3 միլիոն դրամ, իսկ սուբսիդավորման նվազեցումը նշանակում է բացասաբար ազդել թատրոնի աշխատակիցների սոցիալական վիճակի վրա։

ՀՀ մշակույթի նախարար Արմեն Ամիրյանն այն համոզման է, որ լավ աշխատելու դեպքում այդ բացը հնարավոր է լրացնել սեփական ջանքերով։ «Խորհուրդ է տրվում, օրինակ, բացը լրացնել ներկայացումների քանակն ավելացնելով․ դա հակաթատերական մոտեցում է։ Թատրոնը կինոթատրոն չէ, որ սեանսներ ավելացնելով հարցը լուծես․ թատրոնի դեպքում նմանատիպ մոտեցումը ենթադրում է աշխատանքի որակի անկում։ Մենք կոչվում ենք պետական ոչ առևտրային կազմակերպություն, մեր կանոնադրության մեջ գրված է, որ մենք շահույթ չհետապնդող կազմակերպություն ենք։ Եթե ամեն ինչ վերածելու ենք շահույթի, կարելի է փակել թատրոնները և դրանց փոխարեն մոլեր բացել, այդ դեպքում տարածքը կբերի շահույթ, փող կգա պետական գանձարան»,- նկատում է թատրոնի տնօրենը։

Ռուբեն Բաբայանն անդրադառնում է նաև սոցիալական թեմաների՝աջ ղեկով մեքենաների վարորդների ցույցին, թանկացումների դեմ բարձրացված բողոքի ալիքին․ «Ողջունում եմ, որ սոցիալական հարցերը բարձրանում են առաջին պլան․ դա միավորում է բոլորիս։ Ցավոք, մեր երկրում անկախության տարիներին այդպես էլ չհաջողվեց ստեղծել ազատ արհմիություններ, իսկ տնտեսության զարգացումն առանց դրա դժվար է պատկերացնել»։

Թատրոնի ղեկավարի համոզմամբ՝ մենք ունենք մեծ խնդիր՝ Հայաստանի Հանրապետությունը որպես սեփական երկիր և հայրենիք ընկալելու հետ կապված․ «Պետք է, որ քո ճակատագիրը կապվի քո երկրի ճակատագրի հետ, որ քեզ լիազորված զգաս այդ երկրի ճակատագիրը փոխելու։ Նոր սերունդը, որը Հայաստանը որևէ գերտերության հովանու ներքո չի ընկալում, ունի այդ գիտակցությունը»։

Մանրամասները՝ տեսանյութում։

Աննա Բաբաջանյան