25.05.2026 | 10:59
Զովունիում առանձնապես խոշոր չափի թմրամիջոցի մաքսանենգության կասկածանքով երկու տղամարդ է ձերբակալվել․ ՆԳՆ
Ուկրաինան Ֆրանսիայից կստանա 2 մլրդ եվրո ընդհանուր արժողությամբ ռազմական օգնության փաթեթ. Մակրոն
Քաղաքականություն
26.03.2025 | 23:19
Ֆրանսիայի նախագահ Էմանուել Մակրոնը հայտարարել է Ուկրաինային 2 միլիարդ եվրոյի ռազմական օգնության փաթեթի մասին: Այս մասին Մակրոնն ասել է մարտի 26-ին Փարիզում կայացած մամուլի ասուլիսի ժամանակ , փոխանցում է «Европейская правда»-ն։
«Այսօր ես կցանկանայի հայտարարել Ուկրաինային 2 միլիարդ եվրո արժողությամբ ռազմական աջակցության նոր փաթեթի մասին»,- ասել է նա` նշելով, որ փաթեթը «պետք է բավարարի ուկրաինական զորքի առաջնային կարիքները»:
Մակրոնի խոսքով՝ փաթեթում ներառվել են հակատանկային հրթիռներ, ՀՕՊ միջոցներ, Mirage կործանիչների համար նախատեսված հրթիռներ, «Mistral ցամաքային պաշտպանության հրթիռներ», ինչպես նաև զրահամեքենաներ:
«Դրանք զինամթերք են, այդ թվում՝ հեռակառավարվող զինամթերք: Եվ սա նաև տեխնիկայի արտադրությունն է Ուկրաինայում մեր պաշտպանական ձեռնարկությունների հետ համագործակցության շնորհիվ», – հավելել է Ֆրանսիայի ղեկավարը:
Զելենսկու հետ համատեղ մամուլի ասուլիսի ժամանակ Մակրոնն ասել է, որ Ռուսաստանը պետք է համաձայնի Ուկրաինայում 30-օրյա զինադադարին առանց նախապայմանների։
Ֆրանսիայի ղեկավարը նաև մեղադրել է Մոսկվային դեռևս «պատերազմի կամք» դրսևորելու համար և ասել, որ այժմ վճռական փուլ է մարտերը դադարեցնելու համար:
