20.05.2026 | 11:22
Կառլոս Ալկարասը չի մասնակցի Ուիմբլդոնին
Այսօր որոշ դիվերսանտներ փորձել են Շուշիի ուղղությամբ ժայռեր մագլցել, բայց ոչնչացվել են. Հովհաննիսյան. ՏԵՍԱՆՅՈՒԹ
05.11.2020 | 22:26
Շուշիի մատույցներում Քարին տակի և այլ ուղղությամբ որոշ վարձկաններ ու դիվերսանտներ փորձել են ժայռերը մագլցել, բայց ոչնչացվել են՝ մնալով ժայռերի տակ։ Այս մասին ասուլիսի ժամանակ ասաց ՊՆ ներկայացուցիչ Արծրուն Հովհաննիսյանը:
Պն ներկայացուցիչը տեղեկացրեց, որ Շուշի-Բերձոր ճանապարհով երթևեկելը, քաղաքացիների անվտանգությունից ելնելով, չի թուլատրվում, չնայած Լիսագորի հատվածը երեկ մաքրվել է ու պարեկային ծառայություն է իրականացվում։
«Զուտ քաղաքացիների անվտանգությունից ելնելով, քանի որ կարող են հրետակոծել, դիվերսիոն խմբերը վնաս պատճառել մարդկանց, մեքենաներին, այս պահին չի թույլատրվում այդ ուղղությամբ երթևեկել»,- ասաց Հովհաննիսյանը։
«Այսօր թշնամին Կարմիր Շուկայի ուղղությամբ փորձել է մատակարարումներ իրականացնել, մեքենաներով ճեղքում կատարել։ Խոցվել են մի քանի մեքենա, այդ թվում անձնակազմով բեռնված մեքենա: Հակառակորդը փորձում է տարբեր ուղղություններով ամենաչնչին հաջողությունը գրանցել, որպեսզի ներկայացնի իր առաջընթացը։ Բայց մեր զորքերը, վճռականությունն անսասան են»,- նշեց ՊՆ ներկայացուցիչը՝ վստահեցնելով՝ հաղթելու ենք։
