11.09.2026 | 17:31
«Թերեզա» գազավորված ըմպելիքների արտադրությունը կասեցվել է
Կան դժվարություններ, բայց «գյոռբագյոռ» օպերացիան շարունակվելու է․ Արծրուն Հովհաննիսյան. ՏԵՍԱՆՅՈՒԹ
05.11.2020 | 22:08
Երեկ ողջ գիշեր մարտերը շարունակվել են: Առավոտյան մարտերը եղել են ավելի թեժ, հակառակորդը հրետանի է կիրառել: Այս մասին ասուլիսի ժամանակ ասաց ՊՆ ներկայացուցիչ Արծրուն Հովհաննիսյանը:
«Օրվա ընթացքում Ադրբեջանի ԶՈւ-երը հյուսիսում, կենտրոնական ուղղությունում, Կարմիր շուկայի հատվածում, հարավում փոքր գրոհող խմբերով, նվազագույն զրահատեխնիկայով, հրետանու կրակի աջակցությամբ փորձել են առաջ գալ, սակայն հետ են շպրտվել՝ կրելով որոշակի կորուստներ»,- ասաց ՊՆ ներկայացուցիչը:
Հովհաննիսյանը նաև նշեց, որ մեր ստորաբաժանումներին օրվա ընթացքում հաջողվել է Շուշիի շրջակայքում օղակել և ոչնչացնել թշնամու առանձին խմբերի։
«Ադրբեջանի նախագահն ասում է, թե այդ զորքերը հարձակվում են դեպի Շուշի, բայց հարց՝ ինչպե՞ս է լինում, որ հարձակվողներին մենք պիտի հատ-հատ հայտնաբերենք ու ոչնչացնենք: Ցանկացած տեսակի պատերազմի ժամանակ հարձակվողներին չեն փնտրում, հարձակվողները գալիս են», – ասաց Հովհաննիսյանը։
«Որոշ տեղերում մարտերը շարունակվում են և շարունակվելու են, բայց իրավիճակն օրհասական չէ։ Կան տեխնիկական, լոգիստիկ դժվարություններ, բայց «Գյոռբագյոռ» օպերազիան շարունակվելու է»,- ընդգծեց ՊՆ ներկայացուցիչը:
