08.10.2026 | 19:27
Լավագույն բուհերում սովորողներին տարկետում կտրվի մինչև 32 տարեկանը
Բախումները հիմա ավելի շատ մերձամարտի են վերածվել. Արծրուն Հովհաննիսյան. ՏԵՍԱՆՅՈՒԹ
28.10.2020 | 22:26
Բերձորի ուղղությամբ և հարավային հատվածում որոշակի ոչ լայնամասշտաբ մարտական գործողություններ են ընթացել: Հակառակորդին չի հաջողվել առաջանալ դեպի Բերձորի ուղղություն, չնայած նրա որոշակի ջանքերի: Այս ուղղությամբ մեր ԶՈՒ ստորաբաժանումներին հաջողվել է որոշակի դիրքային բարելավումներ իրականացնել: Այս մասին հոկտեմբերի 28-ին հրավիրված մամուլի ասուլիսում ասաց Պաշտպանության նախարարության ներկայացուցիչ Արծրուն Հովհաննիսյանը:
Նա նշեց, որ հյուսիսային ուղղությամբ հակառակորդի կողմից հիմնականում վարվել է հրետանային կրակ, մասնավորապես Մարտակերտ և ավելի հյուսիս ընկած ստորաբաժանումների ուղղությամբ:
«Մարտական գործողությունները շարունակվել են նաև հարավային ուղղությամբ: Շարունակվել են նաև նախորդիվ նշված գյուղերի ուղղությամբ դիվերսիոն խմբերի չեզոքացման աշխատանքները: Այդ աշխատանքները կրում են օջախային, դանդաղ, ոչ ինտենսիվ, սակայն համառ բնույթ»,- ասաց ՊՆ ներկայացուցիչը:
Արծրուն Հովհաննիսյանը նաև նշեց, որ թշնամին կրել է սպառազինության զգալի կորուստներ. «Եվ լայնածավալ հարձակողական բռունցքի թափը կոտրվել է մեր կողմից, դրանից հետո շարունակվում են այլ բնույթի գործողություններ, դրանք դանդաղ օջախային, սողացող բնույթ ունեն… Բախումները հիմա ավելի շատ մերձամարտի են վերածվել»:
Մանրամասները՝ տեսանյութում:
