20.05.2026 | 13:38
Կրեմլը չի բացառել Պուտինի և Թրամփի հանդիպումը Չինաստանում՝ ԱԽՏՀ գագաթնաժողովի շրջանակում
Այս պահին էլ ընթանում են ծանր մարտեր. Արծրուն Հովհաննիսյան․ ՏԵՍԱՆՅՈՒԹ
25.10.2020 | 22:30
Այսօր ռազմաճակատի ողջ երկայնքով շարունակվել են ինտենսիվ մարտական գործողությունները՝ հյուսիսից հարավ: Այս մասին ասուլիսում հայտնեց ՊՆ ներկայացուցիչ Արծրուն Հովհաննիսյանը:
«Հյուսիսային ուղղությամբ վաղ առավոտից սկսվել է հրետակոծություն և որոշակի մարտական գործողություններ են ծավալվել, որոնք իրենց ինտենսիվությամբ զիջում են հարավային ուղղությամբ կատարվող մարտական գործողություններին:
Օրվա ընթացքում Հադրութից հյուսիս, Մարտունիից հարավ մի քանի գյուղերում, այդ թվում նաև Ավետարանոց գյուղի հարակից անտառներում երևացել են դիվերսիոն խմբեր: Այլ գյուղերի հատվածներում շարունակվել են դիվերսիոն խմբերի որոնողական և ոչնչացման աշխատանքները: Այս պահին էլ դրանք ընթանում են»,- ասաց Արծրուն Հովհաննիսյանը՝ հավելելով, որ դիվերսիոն խմբերը, որպես կանոն, մարտի չեն բռնվում, դիմում են փախուստի:
ՊՆ ներկայացուցիչը նաև նշեց, որ հարավային ուղղությամբ՝ դեպի հյուսիս և դեպի արևմուտք՝ Սանասարի ուղղությամբ, հակառակորդը ձեռնարկել է տասնյակ գրոհներ և հարձակումներ տարբեր ուղղություններով, ինտենսիվ մարտական գործողությունները ողջ օրվա ընթացքում շարունակվել են և այս պահին էլ ընթանում են թեժ մարտեր:
