28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
Վոլգոգրադում ահաբեկչություն է կանխվել
Քաղաքականություն
15.10.2020 | 17:14
Ռուսաստանի Դաշնային անվտանգության ծառայությունը Վոլգոգրադում կանխել է «Քաթիբա Թաուհիդ վալ-ջիհադ» միջազգային ահաբեկչական կազմակերպության գործունեությունը։ Խմբավորման անդամները՝ ծնունդով Կենտրոնական Ասիայից, քաղաքում ահաբեկչություններ էին ծրագրել, գրում է ՌԻԱ Նովոստին։
«Ձերբակալության ժամանակ խմբավորման ղեկավարն ու նրա հանցակիցը, փորձելով Վոլգոգրադում նախապես կահավորված թաքստոցից հանել ահաբեկչական միջոցները, զինված դիմադրություն են ցույց տվել ՌԴ Դաշնային անվտանգության ծառայության աշխատակիցներին ու արդյունքում չեզոքացվել են»,- հայտնել են գերատեսչության հասարակայնության հետ կապերի վարչությունից։
Ձերբակալություններ են եղել նաև Մոսկվայում, Սանկտ Պետերբուրգում, Ուֆայում և Մայկոպում։
Հիշեցնենք, որ օրեր առաջ Չեչնիայի մայրաքաղաք Գրոզնիում չորս զինյալ էր ոչնչացվել, որոնք կրակ էին բացել ուժայինների ուղղությամբ։
