04.11.2026 | 21:47
Ինչ են քննարկել Արման Սարոյանը և ՔՊ-ականները. ԱԺ-ում փակ հանդիպում է եղել. ՏԵՍԱՆՅՈՒԹ
Արտերկրից զինյալներ են ներթափանցել Չեչնիա․ Ռամզան Քադիրով
Քաղաքականություն
13.10.2020 | 16:13
Չեչնիայի ղեկավար Ռամզան Քադիրովը հայտարարել է, որ այսօր առավոտյան Գրոզնիում ոչնչացվել է ապօրինի զինված խմբավորման 4 մասնակից։ Այս մասին Չեչնիայի ղեկավարը գրել է «Twitter»-ի իր միկրոբլոգում։
«Նրանք մի շարք ահաբեկչական գործողություններ էին ծրագրել մարզի տարածքում։ Բախումների վայրից առգրավվել են զենք, կապի միջոցներ, զինամթերք»,- հայտարարել է Քադիրովը՝ նշելով որ Չեչնիայի Հանրապետությունում արդեն վաղուց վերջ է դրվել ահաբեկչական խմբավորումներին։
Վերջինս նաև տեղեկացրել է, որ իրավապահ մարմինները ճիշտ ժամանակին են տեղեկացել, որ արտերկրից տարածաշրջան են ներթափանցել ապօրինի զինված խմբավորումների մասնակիցներ։
Հիշեցնենք, որ Չեչնիայի մայրաքաղաք Գրոզնիում չորս զինյալ է ոչնչացվել, որոնք կրակ են բացել ուժայինների ուղղությամբ։
Տաթև Ֆռանգյան
