30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Չեչնիայում չորս զինյալ է ոչնչացվել․ փոխհրաձգության հետևանքով նաև իրավապահներ են զոհվել
Քաղաքականություն
13.10.2020 | 12:27
Չեչնիայի մայրաքաղաք Գրոզնիում չորս զինյալ է ոչնչացվել, որոնք կրակ են բացել ուժայինների ուղղությամբ։ Այս մասին հայտնում է ՌԻԱ Նովոստին՝ վկայակոչելով Ազգային հակաահաբեկչական կոմիտեի տեղեկատվական կենտրոնը։
Աղբյուրի փոխանցմամբ՝ փոխհրաձգության հետևանքով նաև իրավապահ մարմինների երեք աշխատակից է զոհվել։
Նշվում է, որ զինված խմբին հայտնաբերել են Գրոզնիի Հոկտեմբերյան շրջանում օպերատիվ-որոնողական միջոցառումների ընթացքում։ Արագորեն հակաահաբեկչական գործողություն սկսելու մասին որոշում է կայացվել։
«Օպերատիվ շտաբի ուժերը շրջափակել են մասնավոր տանը գտնվող հանցագործներին։ Իրավապահ մարմինների աշխատակիցների՝ հանձնվելու առաջարկին ի պատասխան՝ նրանք կրակ են բացել։ Փոխհրաձգության ընթացքում չորս զինյալ է ոչնչացվել»,- ասվում է հաղորդագրությունում։
Գործակալությունը հիշեցնոււմ է, որ Չեչնիայում հոկտեմբերի 11-ին հակաահաբեկչական գործողությունների ընթացքում ոչնչացվել է երկու զինյալ, իսկ օգոստոսի վերջին Ինգուշեթիայում ոչնչացվել է 3 զինյալ՝ «Իսլամական պետության» կողմնակիցներ, տուժել է 2 ուժային։
Անվտանգության դաշնային ծառայության տնօրեն Ալեքսանդր Բորտնիկովի տեղեկացմամբ՝ վերջին 10 տարիների ընթացքում Ռուսաստանում կանխվել է շուրջ 160 ահաբեկչություն, իսկ միայն 2019 թվականին՝ 43, ընթացիկ տարում՝ ավելի քան 20:
