01.04.2026 | 10:23
Հայաստանի հավաքականն իմացել է Ազգերի լիգայում վերջին մրցակցին
Արգիշտի Քյարամյանին ազատելը չեմ բացառում, որ կապ ունի Նիկոլ Փաշինյանի գրառման հետ. Հրաչյա Հակոբյան. ՏԵՍԱՆՅՈՒԹ
Քաղաքականություն
08.10.2020 | 18:44
«Իմ քայլը» խմբակցության պատգամավոր Հրաչյա Հակոբյանը, որը նաև ազգակցական կապեր ունի Նիկոլ Փաշինյանի հետ, ուշագրավ ակնարկներ է անում: Պատգամավորը չի բացառում, որ Արգիշտի Քյարամյանն աշխատանքից ազատվել է դավաճաններին բացահայտելու հարցում թերանալու համար:
«Եթե այդպիսի տեղեկություն է բացահայտվել և այդ տեղեկությունը նախապես չի բացահայտվել, դա, կարծում եմ, ԱԱԾ-ի թերի աշխատանքի արդյունքն է եղել»,- ասաց նա:
Վարչապետ Փաշինյանի հանձնարարությամբ ԱԱԾ-ում սկսվել է հետաքննություն և գործող գլխավոր անձանցից մեկը, որն իրականացրել է ենթադրյալ դավաճանական արարքը, Ստեփանակերտի բնակիչ է: Նա հայտնաբերվել և ձերբակալվել է Երևանում:
Նիկոլ Փաշինյանը չի բացառել, որ այս անձին առաջնագծում զինվորներին հողերը հանձնելու մասին կեղծ տեղեկություններ են փոխանցել քաղաքական դրդապատճառներով: Թե քաղաքական որ շրջանակներին էր ակնարկում Փաշինյանը, «Իմ քայլը» խմբակցության պատգամավորները հրաժարվում են մեկնաբանել։
Հրաչյա Հակոբյանը միայն մատնացույց արեց Հայաստանի նախկին իշխանություններին․ «Այն շրջանակները, ովքեր կապ ունեն նախկին իշխանությունների հետ: Անուն-ազգանուններ չեմ հնչեցնի»:
Մանրամասները՝ տեսանյութում:
