11.12.2024 | 13:22
Երիտասարդական մայրաքաղաքի խորհրդանշական բանալին Գավառից փոխանցվել է Ապարանին
Մեր երեխաները արտոնյալ չեն, որոշումներն իրենց էլ են վերաբերում․Փաշինյանը՝ դպրոցներում դիմակ դնելու պահանջի մասին. ՏԵՍԱՆՅՈՒԹ
10.09.2020 | 11:09
Կառավարության այսօրվա նիստում, մինչ օրակարգին անցնելը, վարչապետ Նիկոլ Փաշինյանն անդրադարձ կատարեց կորոնավիրոսով պայմանավորված իրավիճակին՝ նշելով, որ վերջին 20 օրում 200-ից պակաս նոր դեպքեր են գրանցվել, ինչը ցուցանիշների բարելավում է:
«Ակտիվ դեպքերի՝ ախտորոշված և բուժման մեջ գտնվող հիվանդների թիվն էականորեն նվազել է, կարևոր է արձանագրել նաև, որ աննախադեպ մեծ թվով թեստավորում է իրականացվում, և հայտնաբերման տոկոսը ցածր է, դրական տոկոսը կազմում է 5-8 տոկոս, ինչը միջազգայնորեն համարվում է հայտնաբերման բարձր ցուցանիշ»,- նշեց վարչապետը:
Փաշինյանի դիտարկմամբ՝ բարելավման դինամիկան խախտելու առաջիկա ամենամեծ ռիսկը կապված է հանրակրթական հաստատությունների վերաբացման հետ:
«Այս առումով կայացվել են որոշումներ, որոնք, հասկանալիորեն, միանշանակ չեն ընդունվել հանրության կողմից: Կա պահանջ, որ երեխաները դպրոցում դիմակ պետք է կրեն: Մենք պարտադրված ենք անելու քայլեր, որպեսզի չվերադառնանք համաճարակային նոր ճգնաժամի: Կան մեկնաբանություններ, որոնք ուղղակի զարմացնում են: Բոլոր հակահամաճարակային որոշումները, որ ընդունում ենք, առաջին հերթին մենք ենք կիրառում և պահպանում: Այդ որոշումները նաև մեր երեխաներին են վերաբերում, մեր երեխաները արտոնյալ չեն: Մենք կգնանք այս ճանապարհով, մոնիթորինգ կիրականացնենք, մեր նպատակն է՝ կամաց-կամաց դուրս գալ սահմանափակումների ռեժիմից, և մեր երեխաները օր առաջ լիաթոք շնչելու հնարավորություն ունենան »,- ընդգծեց վարչապետը:
Մանրամասները՝ տեսանյութում:
