Կամ դատավորը պիտի մտնի դատաքննական փուլ, կամ Քոչարյանն այլևս չխոսի քաղաքականություն վերադառնալուց. ՏԵՍԱՆՅՈՒԹ

Ռոբերտ Քոչարյանի՝ քաղաքականություն վերադառնալու միակ ճանապարհը դատաքննության պրոցեսին չխոչընդոտելն է։ Մարտի 1-ի դատավարությունը Քոչարյանի և նրա պաշտպանական թիմի թեթև ձեռքով վերածվել է ֆարսի, դրանում բոլորս տարիուկես համոզվում ենք։ Այսօր խորհրդարանում այս տեսակետը հայտնեց ԱԺ «Իմ քայլը» խմբակցության պատգամավոր Անդրանիկ Քոչարյանը՝ արձագանքելով Մարտի 1-ի զոհերի իրավահաջորդների՝ հետագա դատական նիստերին չմասնակցելու որոշմանը։

«Հիմա Ռոբերտ Քոչարյանը փոխանակ գնա դատաքննական փուլ, փորձի իր առջև դրված մեղադրանքները, նաև այն զինվորականների՝ Սերյան Օհանյանի, Յուրի Խաչատուրովի մեղադրանքների բացատրությունները կամ հերքել, կամ ապացուցել, վերցրել է այլ տակտիկա՝ խափանման միջոցների անվերջ շրջապտույտների միջոցով։ Եվ ոնց որ թե դատավորին դա սկսել է դուր գալ այն աստիճան, որ Ռոբերտ Քոչարյանն իր վերջին դարակազմիկ հարցազրույցի ընթացքում ասաց՝ երեքշաբթի օրերը ես իմ օրակարգից ջնջել եմ։ Այդ ո՞նց ես ջնջել։ Նա մի շատ տարօրինակ բան էլ ասաց՝ ես չեմ հասկանում՝ ինձ ինչի մեջ են մեղադրում։ Այդ դեպքում մեղադրանք կա պաշտպանության նախարարի և գլխավոր շտաբի պետի հասցեին, ինքը չգիտի՞՝ նրանց ինչո՞ւ են մեղադրում, 0038 հրամանը օդի՞ց է եկել։ Կամ դատավորը պետք է իրեն ընձեռված հնարավորությունների շրջանակում շատ արագ մտնի դատաքննական փուլ, կամ Ռոբերտ Քոչարյանը չպիտի այլևս չխոսի քաղաքականություն վերադառնալու մասին»,-նշեց պատգամավորը։

Մանրամասները՝ տեսանյութում:

Մերի Մարտիրոսյան