08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Մովսես գյուղի և Երևանի Աբովյան փողոցի ճանապարհների միջև պետք է տարբերություն չլինի․ Փաշինյանը սահմանամերձ Մովսեսում է. ՏԵՍԱՆՅՈՒԹ
Տնտեսություն
07.09.2020 | 16:57
Այսօր վարչապետ Նիկոլ Փաշինյանն այցելել է Տավուշի մարզի սահմանամերձ համայնքներ, ծանոթացել խնդիրներին։ Մովսես գյուղում վարչապետը բնակիչների հետ զրույցում անդրադարձել է համայնքի ճանապարհների ասֆալտապատման աշխատանքներին։
Վարչապետի խոսքով՝ Մովսես գյուղի ու Երևանի Աբովյան փողոցի ճանապարհների միջև չպետք է տարբերություն լինի։
«Մովսեսում ապրող մարդու և Աբովյան փողոցում ապրող մարդու զգացողության միջև տարբերություն չպետք է լինի, որովհետև շատ հաճախ, որ իրավիճակը լարվում է, էստեղ կրակում են։ Հայաստանը մի թաղի չափ երկիր է, ոչ մի տարբերություն չկա, մեկիս տունը մի քիչ էն կողմ է, մյուսիս տունը՝ մի քիչ էն կողմ։ Հիմա Մովսեսում էլ տուն կա, որն ուղիղ նշանառության տակ չի։ Այնպես, ինչպես Երևանի Աբովյան փողոցում գտնվող տներն են, որ նշանառության տակ չեն, բայց մեծ հաշվով, Հայաստանում էդպիսի տեղ չկա, որ նշանառության տակ չի։ Հետևաբար, էս ճանապարհը, մեր վերաբերմունքը էս ամեն ինչին, մի բանի մասին է վկայում, որ մենք Հանրապետության հրապարակից մինչև Մովսես գյուղ զգացողությամբ պետք է իրար հետ կապված լինենք, որ էս հողի վրա այնքան ամուր ենք, ու այստեղ ամեն օր պետք է ապրենք։ Ու այդ ապրելը յոլա գնալ չպետք է լինի, պիտի զարգացում լինի»,- մասնավորապես ասել է վարչապետը։
Մանրամասները՝ տեսանյութում։
