08.11.2024 | 14:40
Ռուս զինվորականները հարվածներ են հասցրել Խարկովին, Օդեսային և Կիևի շրջանին. 1 մարդ զոհվել է, ավելի քան 30-ը՝ վիրավորվել
Թուրքիան և Հունաստանը կքննարկեն լարվածության թուլացման մեխանիզմները. Յենս Ստոլտենբերգ
Քաղաքականություն
05.09.2020 | 11:33
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Թուրքիան և Հունաստանը համաձայնության են եկել բախումների կանխարգելման նպատակով տեխնիկական քննարկումներ կազմակերպելու վերաբերյալ. գրում է ermenihaber-ը:
«Թուրք և հույն առաջնորդների հետ տեղի ունեցած քննարկումներից հետո երկու դաշնակից երկրներն Արևելյան Միջերկրականում ռազմական բախումների կանխարգելման մեխանիզմներ ստեղծելու և վթարային միջադեպերի ռիսկերը նվազեցնելու նպատակով համաձայնության են եկել՝ ՆԱՏՕ-ի շրջանակներում տեխնիկական քննարկումներ անցկացնելու շուրջ», – ասված է Ստոլտենբերգի հրապարակած գրավոր հայտարարության մեջ։
Ստոլտենբերգը Թուրքիային և Հունաստանին անվանել է «երկու կարևոր դաշնակից»՝ ընդգծելով, որ ՆԱՏՕ-ն ամենահարմար բանակցությունների հարթակն է ընդհանուր անվտանգության խնդիրների քննարկման համար։
Ստոլտենբերգը նշել է նաև, որ ՆԱՏՕ-ն շարունակելու է մշտապես ակտիվ կապ պահպանել դաշնակից երկրների հետ՝ լարվածության կանխարգելման համար լավագույն լուծում գտնելու նպատակով։
