Ձեզ վախեցրե՞լ են, ահաբեկե՞լ են, թե՞ սա Ձեր ընտրությունն է․ Արման Աբովյանը՝ Արթուր Դավթյանին. ՏԵՍԱՆՅՈՒԹ

Շատ հետաքրքիր է նայել, թե ինչպես եք փորձում ապացուցել, որ մածունը սև է: Ձեր ներկայացրած բոլոր փաստարկների մեջ չկար ոչ մի փաստարկ, որն ուղղակի մատնանշում է պարոն Ծառուկյանին և, ըստ էության, չի էլ կարող լինել։ ԱԺ այսօրվա նիստում դիմելով ՀՀ գլխավոր դատախազ Արթուր Դավթյանին՝ ասաց «Բարգավաճ Հայաստան» խմբակցության պատգամավոր Արման Աբովյանը։

«Ինչ վերաբերում է այն հանգամանքներին, որոնք Դուք հնչեցրեցիք, պարոն Ծառուկյանը կուսակցության լիդեր է, և մեր կուսակցությունը երկրորդ ուժն է Հայաստանում, առաջին ընդդիմադիր, և այն ժամանակ էլ ու հիմա հարյուր հազարավոր մարդկանց և տասնյակ հազարավոր ակտիվիստների մեջ շատ դժվար է բոլորին վերահսկել: Որովհետև իրականում բան չկա, Դուք ոչ մի բան չներկայացրեցիք, ինչը թույլ կտա ենթադրել, որ կան հիմքեր՝ քրեական հետապնդումը շարունակել և զարգացնել: Ես էլ եմ հասնակում, Դուք էլ եք հասկանում, որ հիմա մասնակցում եք քաղաքական հետապնդումների այս բուռն պրոցեսին՝ Ձեր կողմից սլիվներ անելով իշխանական թևին, մասնակցելով բոլոր պրոցեսներին: Ինձ հետաքրքիր է՝ Ձեզ վախեցրե՞լ են, ահաբեկե՞լ են, թե՞ դա Ձեր ընտրությունն է»,- դատախազին հարց ուղղեց պատգամավորը։

Արթուր Դավթյանն արձագանքեց՝ իրեն ոչ ոք չի կարող վախեցնել։

«Եթե մտածում էիք՝ կարող է վախեցնելն ազդած լինել, Դուք էլ փորձեիք վախեցնել, պարո՛ն Աբովյան,կարող է մի բան դուրս գար: Ինձ ոչ ոք չի կարող վախեցնել: ՀՀ Սահմանադրությունը և օրենքները գլխավոր դատախազին տվել են այնքան գործիք, այնքան ուժ ու այնքան պատասխանատվություն, որ երբեմն ուղղակի ուղիղ չի նայում, թե ում է հետապնդում ու միշտ այդպես է լինելու»,- ասաց նա:

Մանրամասները՝ տեսանյութում։