20.05.2026 | 15:03
Էրդողանը և ֆոն դեր Լեյենը Թուրքիա-ԵՄ հարաբերություններն ու տարածաշրջանային լարվածությունն են քննարկել
Գագիկ Ծառուկյանը հետ կանգնելու տեղ չունի. Ալեն Սիմոնյան. ՏԵՍԱՆՅՈՒԹ
Քաղաքականություն
15.06.2020 | 12:42
Քրեական գործերը հարուցվել են շատ ավելի շուտ, քան պարոն Ծառուկյանը այգում հայտարարություններ է արել՝ կապված իշխանության 100 տոկոս փոփոխության հետ։ Այս մասին այսօր խորհրդարանում լրագրողների հետ զրույցում հայտարարեց ԱԺ փոխխոսնակ Ալեն Սիմոնյանը՝ անդրադառնալով ԲՀԿ-ի հայտարարություններին, թե Ծառուկյանի շուրջ կատարվող գործընթացը քաղաքական է։
Անդրադառնալով համացանցում տարածվող 2012 թվականի տեսանյութին, որում Սիմոնյանը հարցազրույց է տալիս՝ ասելով, որ բարձր է գնահատում ԲՀԿ ղեկավարի քաղաքական գործունեությունը՝ Ալեն Սիմոնյանը շեշտեց, որ այն 2012 թվականի վաղեմության է և ամենևին համակրանքի նշան չէ. պարզապես ինքն արձանագրել է և այժմ էլ կարող է հայտարարել, որ այդ ժամանակաշրջանում ՀՀԿ-ի դեմ պայքարի ռեալ շանսեր ունեցող միակ քաղաքական ուժը ԲՀԿ-ն էր:
Սիմոնյանը վստահեցրեց, որ այս գործընթացը քաղաքական որևէ ենթատեքստ չի պարունակում և բացառապես իրավական գործընթաց է։ Ինչ վերաբերում է ոստիկանության գործողություններին, ԱԺ փոխնախագահն ասաց, թե փողոցը փակ է եղել և ոստիկանները ընդամենը փողոցը բացել են, մինչդեռ տարիներ շարունակ նախկինում կիրառվել է անհամաչափ ուժ և ԲՀԿ-ական պատգամավորները լռել են դրա վերաբերյալ։
Դիտարկմանը, թե Ծառուկյանը հայտարարել է, որ հետ չի կանգնելու քաղաքական պայքարից՝ Սիմոնյանն ասաց. «Գագիկ Ծառուկյանը հետ կանգնելու տեղ չունի»:
Մանրամասները՝ տեսանյութում:
Մերի Մարտիրոսյան
