26.04.2026 | 13:20
Օդի ջերմաստիճանը կնվազի
ՀՀ տնտեսական աճը 2020 թվականի արդյունքներով կլինի բացասական․ Մարտին Գալստյան. ՏԵՍԱՆՅՈՒԹ
Տնտեսություն
15.06.2020 | 12:24
Կենտրոնական բանկը վերանայել է այս տարվա մարտի դրությամբ կանխատեսված 0.7% տարեկան տնտեսական աճը: Նշենք, որ տարեսկզբին 2020 թվականի համար կանխատեսվում էր 5․3 տոկոս տնտեսական աճ, սակայն այն մարտի դրությամբ վերանայվեց՝ կանխատեսումը դարձնելով 0․7 տոկոս։ Այժմ, սակայն, աճի փոխարեն անկում է սպասվում: Այս մասին այսօր ասաց ՀՀ Կենտրոնական բանկի նախագահ Մարտին Գալստյանը ԱԺ ֆինանսավարկային և բյուջետային հարցերի մշտական հանձնաժողովի նիստում։
ԿԲ նախագահը նշեց, որ կորոնավիրուսը Հայաստանի տնտեսության վրա բացասաբար է ազդել հիմնականում աշխատուժի կրճատման հետևանքով: Իսկ աշխատուժի առաջարկի կրճատումը պայմանավորված է 4 հիմնական գործոնով․ հիվանդության կամ մեկուսացման ցուցումով աշխատողների՝ աշխատանքից դուրս մնալով, աշխատողների՝ սեփական կամքով աշխատուժի կրճատումով, դպրոցների և մանկապարտեզների աշխատանքի դադարեցման հետևանքով աշխատողների՝ տանը մնալու անհրաժեշտությամբ, հեռավար աշխատանքի անցնելու կապակցությամբ աշխատանքի արտադրողականությամբ նվազմամբ։ Առաջացել է նաև պահանջարկի անկում։
Մանրամասները՝ տեսանյութում։
