10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
Վրաստանի խորհրդարանական ընտրությունները, հնարավոր է, կորոնավիրուսի պատճառով հետաձգվեն․ Կոբախիձե
Քաղաքականություն
14.06.2020 | 18:21
Վրաստանի խորհրդարանական ընտրությունները, որոնք նախանշված են հոկտեմբերին, կարող են հետաձգվել մինչև դեկտեմբեր, եթե աշնանը կորոնավիրուսի համաճարակի երկրորդ ալիք սկսվի։ Imedi հեռուստաալիքի եթերում այս մասին հայտարարել է իշխող «Վրացական երազանք-Ժողովրդավարական Վրաստան» կուսակցության գործադիր քարտուղար, պատգամավոր Իրակլի Կոբախիձեն, հաղորդում է ՏԱՍՍ-ը։
«Եթե երկրորդ ալիք սկսվի, որը համընկնի ընտրությունների ժամանակաշրջանի հետ, հնարավոր է՝ արտակարգ դրություն հայտարարելը պարտադիր դառնա։ Դրանում ողբերգական ոչինչ չկա։ Բնականաբար, եթե դա տեղի ունենա հոկտեմբերին, ընտրությունները չեն կայանա և կհետաձգվեն մինչև դեկտեմբեր»,- ասել է Կոբախիձեն։
Վրաստանի Սահմանադրության համաձայն՝ արտակարգ կամ ռազմական դրության դեպքում ընտրությունները պետք է տեղի ունենան այդ ռեժիմը չեղարկելուց ոչ շուտ, քան 45, և ոչ ուշ, քան 60 օր անց։
Վերջին տվյալներով՝ Վրաստանում կորոնավիրուսի հաստատված 864 դեպք կա, 14 մահ է արձանագրվել։
