Տնտեսություն
11.06.2020 | 17:38Հայաստանի գազամատակարարման հարցը կարգավորվում է 2013 թվականին համաձայնեցված մի շարք փաստաթղթերով։ Դրանք փաթեթային համաձայնություններ են, որոնք ենթադրում են փոխադարձ պարտավորություններ։ Այսօր հրավիրված առցանց ասուլիսում այս մասին ասաց Հայաստանում ՌԴ դեսպան Սերգեյ Կոպիրկինը։
«Դրանք փաթեթային, համալիր պայմանավորվածություններ են՝ հիմնված շահերի հավասարակշռված և բոլոր գործոնների մանրակրկիտ հաշվարկների վրա։ Այդ պատճառով հենց այնպես ասել, թե ինչո՞ւ չի իջնում կամ բարձրանում գազի գինը, շատ պարզ հարց է»,- ասաց դեսպանը։
Կոպիրկինի խոսքով՝ սխալ է տպավորությունը, թե «Գազպրոմ»-ը և «Գազպրոմ Արմենիա»-ն փորձում են ապրել հայ սպառողի հաշվին։
«Այս հարցը որոշ ուժեր, անձինք փորձում են քաղաքականացնել և հակառուսական մոտեցումներով ներկայացնել, բայց դա իրականության հետ ոչ մի կապ չունի»,- հավելեց ռուս դիվանագետը։
Մանրամասները՝ տեսանյութում։
