17.09.2026 | 21:13
Փաշինյանի գլխավորությամբ քննարկվել է TRIPP նախագծի իրագործման ընթացքը
Ուղեգիրը, որում Շուշին Ադրբեջանի կազմում է, քաղաքացուն տվել են օդանավակայանում
11.06.2020 | 17:29
«Սասնա Ծռեր» համահայկական կուսակցության ֆեյսբուքյան էջում հրապարակվել է մեկուսացման մի ուղեգիր, որի համաձայն, քաղաքացուն մեկուսացնում են Արցախի Հանրապետության Շուշի քաղաքում: Սակայն, փաստաթղթում որպես երկիր նշված է ոչ թե Արցախը, այլ Ադրբեջանը:
Առողջապահության նախարարության մամուլի խոսնակ Ալինա Նիկողոսյանը Factor.am-ին ասաց, որ դա վրիպակի արդյունք է, իսկ ուղեգիրը քաղաքացուն տվել են օդանավակայանում: Իսկ, թե ով է տվել՝ նախարարությունից չհստակեցրին:
Խնդրին անդրադարձել է նաև «Նորք» ինֆեկցիոն կլինիկական հիվանդանոցը: Կառույցից փոխանցում են, որ «Արմեդ» ծրագիրը, որի միջոցով փոխանցվում են պացիենտների մասին տեղեկությունները, սինխրոնիզացված է Google Map համակարգի հետ և հասցեները ֆիքսվում են նշված ծրագրի միջոցով։
«Որպես հասցե Արցախի Հանրապետությունը, Google map քարտեզ որոնողական-տեղեկատվական ծառայությունը, ցավոք սրտի, Արցախը պաշտոնապես ընդգրկել է Ադրբեջանի կազմի մեջ և այդ տրամաբանությամբ, ավտոմատ հասցեն նշվել է նման կերպ։ Ուղեգրումը չի կատարվել «Նորք» ԻԿՀ-ի կողմից, այն կատարվել է այլ տարածքում «Արմեդ» համակարգով աշխատող օպերատորների կողմից, որոնք կցված ենք «Նորք» ԻԿՀ-ին։Հիվանդանոցի առջև դրված այսքան խնդիրների և ծանրաբեռնված աշխատանքի ժամանակ, անընդունելի ենք համարում որոշ շրջանակների կողմից ստեղծվող ինտրիգները և մանիպուլյացված ինֆորմացիայի տարածումը»,- ասված է պարզաբանման մեջ։
Նարեկ Կիրակոսյան
