30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Ինչ ունեցվածք են հայտարարագրել Արգիշտի Քյարամյանն ու նրա կինը
Հասարակություն
11.06.2020 | 12:35
Կոռուպցիայի կանխարգելման հանձնաժողովը հրապարակել է բարձրաստիճան պաշտոնյաների 2019 թվականի հայտարարագրերը։ Factor.am-ը ներկայացնում է, թե ինչ ունեցվածքի են տնօրինում երկրի առաջին դեմքերը։
Ազգային անվտանգության ծառայության ղեկավար Արգիշտի Քյարամյանը մինչ նոր պաշտոնն զբաղեցնելը Պետական վերահսկողական ծառայության պետի տեղակալն էր։ Եվ որպես ԱԱԾ տնօրեն դեռ չի ներկայացրել հայտարարագիր, չնայած որ ժամկետը լրացել է: Մենք կհիմնվենք նրա վերջին պաշտոնում գտնվելու շրջանում ներկայացրած հայտարարագրի տվյալների վրա։ Հայտարարագիրը ներկայացրել է 2019-ի մայիսի 8-ին։
ՊՎԾ պետի տեղակալի պաշտոնն զբաղեցնելու դրությամբ Արգիշտի Քյարամյանն ունեցել է երկու անհատական բնակելի տուն` հողամասի վրա կառուցված, իր տնտեսական շինություններով, ինչպես նաև չորս հողամաս, մեկ՝ հողին ամրակայված անշարժ գույք և մեկ ավտոտնակ։ Հասցեն նշված չէ։
Անցած մայիսին Արգիշտի Քյարամյանն ունեցել է MERCEDES-BENZ C 180 մակնիշի ավտոմեքենա։ Փոխառության է հանձնել 6000 դոլար։ Քյարամյանն ունի 8 միլիոն դրամը գերազանցող զարդեր և/կամ ժամացույցներ։ Անցած մայիսին Արգիշտի Քյարամյանն ունեցել է 30 միլիոն դրամ, 48 հազար դոլար գումար։ Հունվարի 1-ից մինչև պաշտոնական պարտականություններն ստանձնելու օրն ստացել է 2 միլիոն 199 հազար դրամ աշխատավարձային եկամուտ։
Արգիշտի Քյարամյանի կինը 2019 թվականի համար հայտարարագիր չի ներկայացրել։
