10.06.2026 | 20:13
Վալերի Ծառուկյանը հեռացել է «Ախմատից»
Էս նեղ պայմաններում ի՞նչ ծառայողական մեքենա գնելու մասին է խոսքը. պատգամավորը՝ փոխքաղաքապետին. ՏԵՍԱՆՅՈՒԹ
Տնտեսություն
10.06.2020 | 16:23
Երևան քաղաքի բյուջեում վերջերս վերաբաշխում է եղել, և 9․9 մլն դրամ նախատեսվել է նոր ծառայողական ավտոմեքենա գնելու համար: Այս մասին այսօր ԱԺ-ում 2019 թվականի պետբյուջեի կատարողականի քննարկման ժամանակ հայտարարեց «Լուսավոր Հայաստան» խմբակցության պատգամավոր Արմեն Եղիազարյանը:
«Ուզում եմ հասկանալ՝ էս կորոնավիրուսի նեղ պայմաններում ի՞նչ ծառայողական մեքենայի մասին է խոսքը»,- Երևանի փոխքաղաքապետ Հայկ Սարգսյանին հարց ուղղեց պատգամավորը:
Փոխքաղաքապետը նշեց, որ այն նախատեսված է Դավթաշեն վարչական շրջանի ղեկավարի համար, որը ծառայողական ավտոմեքենա չունենալու պատճառով արդեն կես տարի իր անձնական օգտագործման ավտոմեքենան է շահագործում, իսկ 15-20 օր առաջ այդ մեքենան վթարվել է։
«Մեր ավտոմեքենաների պարկն ուսումնասիրելով՝ չգտանք պատշաճ ավտոմեքենա, որը կարող էր տրվել վարչական շրջանի ղեկավարին»,- նշեց Սարգսյանը:
Մանրամասները՝ տեսանյութում։
