20.12.2025 | 17:32
Եղեգնաձորի տներից մեկում և ավտոտնակում հրդեհ է բռնկվել
Թեստավորման նվազագույն թիվ կա, որին Հայաստանում չհասանք․ մոտ 6000 պետք է լինի․ Արթուր Սաքունց. ՏԵՍԱՆՅՈՒԹ
10.06.2020 | 15:33
Կորոնավիրուսի համաճարակի տարածումը կանխարգելելու ուղղությամբ չորս հիմնական գործողություններ պետք է զուգահեռաբար իրականացվեն, որոնցից առաջինը թեստավորումն է։ «COVID-19-ի տարածում, ներքաղաքական լարվածություն. համարժե՞ք են կառավարության քայլերը իրավիճակին» թեմայով քննարկման ժամանակ այս մասին ասաց ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը։
«Թեստավորման նվազագույն թիվ կա, որին այդպես էլ Հայաստանում չհասանք։ Մոտավոր գնահատականներով՝ նվազագույնը պետք է 6 հազար թեստ արվի, որպեսզի կարողանաս իրավիճակի վերաբերյալ օբյեկտիվ տվյալներ ունենալ։ Երկրորդ կարևոր հանգամանքն ինքնամեկուսացումն է՝ խիստ կարանտինային պայմանների ապահովումը, և դա առնվազն պետք է լիներ մեկ ամիս ժամանակով»,- նշեց նա։
Արթուր Սաքունցի խոսքով՝ պետք էր նաև առողջապահական համակարգը համարեցնել և նախապատրաստել՝ համավարակի հետևանքով առողջական լուրջ խնդիրներ ունեցողներին սպասարկելու համար։
«Եվս մեկ կարևոր բաղադրիչ էլ պետք է լիներ սոցիալական ապահովությունը, տնտեսական գործունեություն իրականացնողների խնդիրներին լուծում տալը։ Այսինքն՝ այս չորս հիմնական գործոններն են, որոնց զուգահեռ իրականացումը կարող է երաշխիք լինել, որպեսզի ունենաս կորոնավիրուսի տարածման կանխարգելում, նվազեցում և կառավարում»,- հավելեց բանախոսը։
Մանրամասները՝ տեսանյութում։
