19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Շատ թույլ հույսեր են ի հայտ գալիս, որ մենք իրավիճակի որոշակի կայունացում ենք ունենալու․ Փաշինյան. ՏԵՍԱՆՅՈՒԹ
09.06.2020 | 18:09
Կորոնավիրուսի հետ կապված համաճարակային իրավիճակը Հայաստանում շարունակում է մնալ լարված, բայց, այնուամենայնիվ, շատ թույլ հույսեր են ի հայտ գալիս, որ մենք իրավիճակի որոշակի կայունացում ենք ունենալու։ Պարետատան նիստից հետո հրավիրված ճեպազրույցում այս մասին ասաց ՀՀ վարչապետ Նիկոլ Փաշինյանը։
«Բայց այս հանգամանքը մեզ պետք է ոչ թե թուլացնի, այլ հակառակը՝ ավելի բարձրացնի մեր զգոնությունը։ Ըստ էության, կրկին մեր բանաձևը մնում է մեկը՝ մեզանից յուրաքանչյուրի և, ընդհանուր առմամբ, հանրային պատասխանատվության մեծացումը հակահամաճարակային կանոնների պահպանման առումով»,- ասաց նա։
Վարչապետը մեկ անգամ ևս հորդորեց կրել դիմակ, ախտահանել ձեռքերը, պահպանել սոցիալական հեռավորություն։ Նա կոչ արեց նաև պարետատան կողմից սահմանված կանոններին հետևել հուղարկավորության, ինչպես նաև պսակադրության արարողությունների ժամանակ։
Մանրամասները՝ տեսանյութում։
