17.09.2026 | 21:30
Ընկերությունը զրկվել է ՊԵԿ-ի 860 միլիոնանոց մրցույթից՝ չնախատեսված պահանջի պատճառով․ իրավաբան․ ՏԵՍԱՆՅՈՒԹ
«Պատիվ ունեմ» ծրագիրը չի դադարել․ ՊՆ-ն՝ ի պատասխան քաղաքացու բողոքի
05.06.2020 | 16:34
Factor.am-ի խմբագրություն դիմած քաղաքացին պնդում է, թե «Պատիվ ունեմ» ծրագիրը չի գործում, և իր որդուն չեն գրանցում։ Գյումրիի բնակիչը մեզ ուղղված նամակում նշել է, թե նախ զինկոմիսարիատ է դիմել, հետո զանգել ՊՆ-ի թեժ գծին, որտեղից նրան տեղեկացրել են, որ հունիսի 1-ից կառավարության որոշմամբ ծրագրի գրանցումը դադարեցրել են։
Քաղաքացու ահազանգի հետ կապված Factor.am-ը դիմեց Պաշտպանության նախարարի մամուլի քարտուղար Շուշան Ստեփանյանին, որը վստահեցրեց, որ «Պատիվ ունեմ» ծրագիրը չի դադարեցվել, այլ ընդամենը դիմումներ ընդունելու ժամկետն է լրացել, այն է՝ հունիսի 1-ը։
Նա պարզաբանեց, որ համաճարակային իրավիճակով պայմանավորված՝ գրանցումը կազմակերպվել է օնլայն ձևաչափով։ «Դեռ մայիսի 22-ին պաշտոնական էջերով տարածված հաղորդագրությամբ ՊՆ-ն տեղեկացրել էր առցանց դիմում ուղարկելու կարգը, ինչպես նաև նշել էր ժամկետը»,- ասաց Ստեփանյանը։
Ռոբերտ Անանյան
