08.11.2024 | 23:14
Վթար Աշտարակի խճուղում․ կա տուժած
Ալեքսանդր Լուկաշենկոն Ռոման Գոլովչենկոյին նշանակել է Բելառուսի վարչապետ
Քաղաքականություն
04.06.2020 | 13:28
Բելառուսի նախագահ Ալեքսանդր Լուկաշենկոն Ռոման Գոլովչենկոյին նշանակել է հանրապետության վարչապետ, հայտնում է ria.ru-ն Sputnik Belarus-ին հղում անելով:
Ավելի վաղ Գոլովչենկոն զբաղեցնում էր Պետական ռազմարդյունաբերական կոմիտեի նախագահի պաշտոնը:
Առաջին փոխվարչապետ է նշանակվել Նիկոլայ Սնոպկովը, որն այս տարվա հունվարից Չինաստանում Բելառուսի դեսպանն էր: Ֆինանսների նախարար է նշանակվել վարչության պետի առաջին տեղակալ Յուրի Սելիվերստովը:
Հիշեցնենք, որ նախօրեին Լուկաշենկոն հրամանագիր էր ստորագրել կառավարության հրաժարականի մասին: Նա հայտարարել էր, որ նախատեսում է ստեղծել Նախարարների նոր խորհուրդ՝ մինչև օգոստոսի 9-ին կայանալիք նախագահական ընտրությունները: Միևնույն ժամանակ, պետության ղեկավարը նշել է, որ նախարարների մեծ մասը կմնա իր պաշտոնում:
