11.06.2026 | 11:33
Գյումրիում կարկուտի հետևանքով ջրալցվել են տներ, անձրևաջրերի կուտակման պատճառով արգելափակվել են ավտոմեքենաներ
Թրամփի դեմ դատական հայց են ներկայացրել սոցցանցերի կարգավորման մասին հրամանագրի պատճառով
Քաղաքականություն
03.06.2020 | 13:14
«Ժողովրդավարության և տեխնոլոգիաների կենտրոնը» (CDT) դատական հայց է ներկայացրել՝ սոցիալական ցանցերի կարգավորման վերաբերյալ ԱՄՆ նախագահ Դոնալդ Թրամփի հատուկ հրամանագրի հետ կապված։ Այս մասին հաղորդում է DW-ի ռուսական ծառայությունը։
«Նախագահի գործողությունները Սահմանադրության առաջին փոփոխությամբ երաշխավորված ազատ խոսքի դեմ ուղիղ հարձակում է»,- ասված է CDT-ի տարածած հաղորդագրությունում։
«Նախագահը հասկացրեց, որ իր նպատակն է օգտագործել փոխհատուցման և ապագա կարգավորումների սպառնալիքները՝ հարթակներին ստիպելու համար փոխել բովանդակության մոդերացիան, ինչի արդյունքում ապատեղեկատվության և ընտրողների վրա ճնշումների վտանգն առանց խոչընդոտի կավելանա ընտրական տարում»,- նշվում է հայտարարությունում։
CDT-ին ֆինանսավորողների թվում են աշխարհի խոշորագույն ինտերնետ կոնցեռններ և տեխնոլոգիական ընկերություններ, այդ թվում՝ Amazon-ը, Facebook-ը, Google-ը, Microsoft-ը, Apple-ը, Twitter-ը։
Մայիսի 26-ին, հիշեցնենք, կոնֆլիկտ ծագեց Դոնալդ Թրամփի և Twitter ցանցի միջև, երբ միկրոբլոգում ԱՄՆ նախագահի երկու գրառումներ «մոլորեցնող» համարվեցին և փաստերի ստուգման գործընթացի ենթարկվեցին։ Մայիսի 28-ին Թրամփը օգտատերերի հրապարակումների համար սոցցանցերի պատասխանատվության վերանայման մասին հրամանագիր ստորագրեց։
