Հասարակություն
13.12.2019 | 11:39
Ինչպես արդեն տեղեկացրել էինք, ՀՀ ոստիկանության հատուկ ջոկատայինները 6-րդ վարչության աշխատակիցների հետ այս պահին խուզարկություն են իրականացնում ՀՖՖ նախկին նախագահ Ռուբեն Հայրապետյանի բնակարանում և նրա անվան հետ կապվող մի քանի շինություններում:
Factor.am-ը փորձեց մեկնաբանություն ստանալ Ռուբեն Հայրապետյանից։ Նա ի պատասխան մեր հարցի ասաց, որ 6-րդ վարչությունը գործողություններ է իրականացնում և քանի դեռ չի ավարտել ինքը ոչինչ ասել չի կարող։
Նա հորդորեց իրեն չանհանգստացնել: Մեր դիտարկմանը, թե հրատապ թեմա է, ասաց․ «Էդ ձեր համար ա հրատապ, իմ համար հրատապ չի, մնացած հարցերը տվեք նրան, ով որ այս պատվերը իջեցրել է, իրեն հարցրեք ինչ կարգավիճակ ունեմ, ինչի համար ա այս քրեական գործը»: Ապա Հայրապետյանը շնորհակալություն հայտնեց զանգի համար ու անջատեց հեռախոսը։
Ոստիկանությունից Factor.am-ին ասացին, որ այս պահին խուզարկություններ են իրականացվում Հայրապետյանի տանը, «Հարսնաքար» ռեստորանում և Զեյթունի արտադրամասում։
