26.10.2026 | 22:57
Իրանը, Պակիստանը, Թուրքիան և Սաուդյան Արաբիան քառակողմ հանդիպում են անցկացրել․ քննարկվել է տարածաշրջանային անվտանգությունը
Լուրջ ռիսկեր կան, որոշ ավիաընկերություններ խաղից դուրս կարող են մնալ․ Թունյան. ՏԵՍԱՆՅՈՒԹ
Քաղաքականություն
03.12.2019 | 14:00
ԱԺ-ն քննարկում է Քաղաքացիական ավիացիայի կոմիտեի մշակած օրենքի նախագիծը, որով առաջարկվում է օդի տուրքից ազատել նոր ուղղություններով չվերթով մեկնող անձանց: «Իմ քայլը» խմբակցության պատգամավոր Բաբկեն Թունյանը նկատեց, որ անհավասար մրցակցային պայմաններ են ստեղծվում շուկայում արդեն իսկ գործող ավիաընկերությունների համար։
«Հանձնաժողովի նիստի ժամանակ մեզ հավաստիացրեցին, որ ոչ, այդպես չէ, բայց ես հետաքրքրվել եմ և կարող եմ ասել՝ այստեղ լուրջ ռիսկեր կան, որովհետև կան ավիաընկերություններ, որոնք խաղից դուրս կարող են մնալ։ Օրինակ՝ «Air France-ը, որը Հայաստան է թռնում Շառլ դը Գոլ օդանավակայանից, հիմա եթե նոր ավիաընկերություն ենք ցանկանում ավելացնել ու չենք ֆիքսում նոր ուղղություն, այլ ֆիքսում ենք նոր օդանավակայան, նշանակում է, որ ինչ-որ մի բյուջետային ավիաընկերություն Փարիզի մեկ այլ օդանավակայանից կարող է թռիչք իրականացնել Հայաստան ՝ օգտվելով այս արտոնությունից, ինչի հետևանքով մենք Հայաստանում տարիներ շարունակ գործող ավիաընկերությանը կդնենք վատ դրության մեջ»,- ընդգծեց Թունյանը:
Հիշեցնենք, որ ԱԺ-ն քննարկում է «Պետական տուրքի մասին» Հայաստանի Հանրապետության օրենքում լրացում կատարելու մասին օրենքի նախագիծը։
Մանրամասները՝ տեսանյութում։
