Նոր ձևաչափի ներկայացում՝ վերանորոգման կարոտ տանիքի ներքո․ Գյումրիի տիկնիկային թատրոնում լավատես են

Լուրեր

28.03.2024 | 23:16
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
28.03.2024 | 23:01
Դեսպան Գալստյանն ու Ռումինիայի ԱԳՆ պետքարտուղարը կարևորել են միջգերատեսչական համագործակցության ակտիվացումը
28.03.2024 | 22:47
Որոշում եմ կայացրել այս պահին չհավակնել ԲԴԽ դատավոր անդամի թափուր տեղին. Վազգեն Ռշտունի
28.03.2024 | 22:39
Պապիկյանը մասնակցել է օպերատիվ հավաքների շրջանակում ռազմական տեխնիկայի ցուցադրությանը
28.03.2024 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
28.03.2024 | 21:44
Ո՞րն է Կոռուպցիայի կանխարգելման հանձնաժողովի «աքիլլեսյան գարշապարը». ԹԻՀԿ զեկույցը. ՏԵՍԱՆՅՈՒԹ
28.03.2024 | 21:38
Քաղաքական խորհրդակցություններ՝ Հայաստանի և Կորեայի ԱԳՆ-ների միջև
28.03.2024 | 21:35
ՌԴ-ում «Կրոկուս»-ի ահաբեկչության գործով չորս մեղադրյալների ահաբեկիչների և ծայրահեղականների ցանկում են ներառել
28.03.2024 | 21:22
Լոնդոնի ընկերության հետ քննարկվել են Երևանի նոր գլխավոր հատակագծի մշակմանն առնչվող հարցեր
28.03.2024 | 21:07
Թուրքիայի քրդերի ձայնը կարող է որոշիչ լինել Ստամբուլի քաղաքապետի ընտրություններում՝ տապալելու Էրդողանի կուսակցության թեկնածուին․ անդրադարձ
28.03.2024 | 20:46
Իսրայելի պաշտպանության բանակը հայտնել է, որ ՀԱՄԱՍ-ի ավելի քան 200 զինյալ է սպանվել Շիֆայի հիվանդանոցում
28.03.2024 | 20:34
Երևանում ծառի ճյուղը թեքվել և ընկել է էլեկտրական լարերի վրա
28.03.2024 | 20:15
Լավրովը հայտարարել է, թե ԵՄ առաքելությունը Հայաստանում վերածվում է ՆԱՏՕ-ի առաքելության
28.03.2024 | 20:00
ԱՄՆ-ն և ԵՄ-ն կասեն Փաշինյանին՝ վե՛րջ տուր խաղերիդ, ասա՝ ո՞ւմ հետ ես, ՌԴ-Արևմուտք պատերազմ է․ Արա Պապյան․ ՏԵՍԱՆՅՈՒԹ
28.03.2024 | 19:44
Տուգանքի 50 տոկոսը վճարելու դեպքում պարտավորությունը կհամարվի կատարված. ՆԳՆ
Բոլորը

Գյումրու Ստեփան Ալիխանյանի անվան տիկնիկային թատրոնը իր հանդիսատեսին է ներկայանում  նոր ձևաչափով՝  նվագախմբի մասնակցությամբ ներկայացմամբ։ Բեմադրված է «Կարմիր գլխարկով գայլը» ներկայացումը, որն ուղեկցվում է կենդանի երաժշտությամբ։

«Այս ներկայացմամբ փորձեցինք համագործակցել «Նռանէ» բենդի հետ ու երաժշտական ձևավորումը եղավ իրենցը, ներկայացումն արեցինք կենդանի երաժշտությամբ։ Իրենք նվագեցին, մեր դերասանները ներկայացումը խաղացին։ Ձևաչափը նոր է,  ամբողջ Հայաստանում չկա նման ձևաչափ, որ տիկնիկային ներկայացման ընթացքում երաժիշտները կենդանի նվագեն։ Հատուկ ներկայացման համար նաև երգեր են  գրվել»,- Factor.am-ի հետ զրույցում նշեց Գյումրու Ստեփան Ալիխանյանի անվան տիկնիկային թատրոնի տնօրեն Արմենուհի Մանուկյանը՝ նշելով, որ նման ներկայացում տեսել է Իտալիայում, որից հետո էլ միտք է առաջացել Հայաստանում իրականացնելու։

«Ես սիրահարվեցի Իտալիայի թատրոնի գաղափարին, իրենց մոտ շատ հաճախ  էին դա անում, և որոշեցի՝ ինչու մենք էլ չունենանք։ Ու փորձեցինք։ Առաջարկեցի «Նռանէ» բենդին և միասին սկսեցինք աշխատել։ Իհարկե, եթե նորարարություն ես անում, որի մեջ երբեք չես եղել փորձերի ընթացքում, որոշակի խորթություն կար, բայց արդեն ներկայացումների ընթացքում ամեն ինչ նորմալ էր»,- ներկայացրեց Արմենուհի Մանուկյանը։

Նոր ներկայացումը մեծ ոգևորությամբ է ընդունել նաև հանդիսատեսը։

«Ձևաչափը նոր է, և պահանջարկ կա հանդիսատեսի մոտ։ Չէի էլ ասի, որ մեծամասամբ երեխաներն են գալիս, քանի որ նաև կենդանի երաժշտություն է, մեծահասակներին ևս հետաքրքիր է։ Ներկայացումը շատ լավ ընդունվեց, որովհետև և՛ ներկայացում էին դիտում, և՛ կենդանի համերգ լսում»,- ասաց Արմենուհի Մանուկյանը։

Բացի բենդի առկայությունից, «Կարմիր գլխարկով գայլն» ինքին  ներկայացում է նոր հնչերանգով, որտեղ բոլորին հայտնի չար գայլը անսպասելիորեն դարձել է բարի։

«Ներկայացման շեշտը գայլի վրա է դրված: Շատ հաճախ չար կերպարներին չար ընդունում ենք, չար էլ ճանապարհում։ Փորձեցինք այս պարագայում գայլին բերել որպես դրական կերպար, ինչը երեխաների մոտ նորություն էր, ու նաև շատ լավ ընդունվեց, սիրեցին գայլին»,- ասաց մեր զրուցակիցը։

Գյումրու տիկնիկային թատրոնի տնօրենի հետ զրույցի ընթացքում պարզեցինք, որ թատրոնի  շենքն ունի հիմնանորոգման կարիք։ Այս տարի քաղաքապետարանի հատկացրած միջոցներով վերանորոգվել է բեմը, որոշ աշխատանքներ էլ արել է թատրոնն իր ուժերով, սակայն ամենակարևոր խնդիրը տանիքի հիմնանորոգումն է, որը շարունակում է մնալ անմխիթար վիճակում։ Ամեն հորդառատ անձրևից հետո տանիքը կաթում է, անձրևաջրերը լցվում են դահլիճ։ Տանիքի վերանորոգումն այս տարի ընդգրկվել էր Շիրակի մարզի առաջնային լուծում պահանջող խնդիրների ցանկում, սակայն աշխատանքներ այդպես էլ չեն արվել։

«Տանիքի հետ կապված վերանորոգումը դեռ մնացել է, բայց ես հույս ունեմ, որ եկող տարում լավ լուր կլինի տանիքի հետ կապված։ Կառավարությունը պիտի  գումար հատկացներ, որը դեռ չկա»,- ասաց Արմենուհի Մանուկյանը։

Էմմա Չոբանյան