27.10.2026 | 22:47
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Պաշտոնյաների վարորդներն ու քարտուղարուհիները ևս հայտարարագիր կներկայացնեն. նախարարը պարզաբանեց՝ որ դեպքում. ՏԵՍԱՆՅՈՒԹ
Քաղաքականություն
26.08.2019 | 14:48
ՀՀ Ազգային ժողովում Կոռուպցիայի դեմ պայքարի 2019-22 թթ. ռազմավարությունը քննարկելիս ԱԺ մարդու իրավունքերի պաշտպանության և հարակից հարցերի հանձնաժողովի նախագահ, ԲՀԿ-ական պատգամավոր Նաիրա Զոհրաբյանը նշեց, որ մամուլում կարդացել է նախկին նախարար Արփինե Հովհաննիսյանի հարցազրույցը, որի համաձայն՝ չի բացառվում, որ պաշտոնյաների քարտուղարուհիները, օգնականները և վարորդներն էլ պետք է հայտարարագրեր ներկայացնեն:
Պատգամավորն արդարադատության նախարարից հետաքրքրվեց՝ նման բան հնարավո՞ր է և ո՞ր դեպքում: Նախարարն ասաց, որ հայտարարագրերն ընդլայնելու են ոչ միայն համատեղ բնակվող անձանց շրջանակով, այլ նաև կլինեն ծնողները, երեխաները և եղբայրները:
«Ինչ վերաբերվում է վարորդներին, օգնականներին, գործավարներին և այլն, այստեղ գործ ունենք իրավիճակային մասի հետ: Եթե կոռուպցիայի կանխարգելման հանձնաժողովը կվերլուծի և որոշակի անհամաձայնություններ կհայտնաբերի, որ պաշտոնյան ձեռք է բերել առանձնատուն և գրանցել է վարորդի անունով, ապա այդ դեպքում կպահանջվի նաև հայտարարագիր վարորդից»,- ասաց նախարարը:
Մանրամասները՝ տեսանյութում:
Նարեկ Կիրակոսյան
