10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
«Եթե ստեղծվի «Մարտի 1-ի» գործը քննող ևս մեկ հանձնաժողով, միայն կողջունեմ». Սամվել Նիկոյանը վստահեցնում է, որ փաստեր չի կոծկել
Քաղաքականություն
12.05.2017 | 15:33
Ինչպես հայտնի է՝ խորհրդարան անցած «Ելք» դաշինքն իր ծրագրում կարևորել է «Մարտի 1-ի» դեպքերի համար պատասխանատվության հարցը: ՀՀԿ հնաբնակներից Սամվել Նիկոյանը, ով այս անգամ ևս պատգամավոր ընտրվեց ՀՀԿ համամասնական ցուցակով, եղել է «Մարտի 1-ի» գործը քննող ԱԺ հանձնաժողովի նախագահը:
Factor.am-ի հարցին, թե մտավախություն չունի՞, որ կարող է նոր հանձնաժողով ստեղծվել ու պարզվել, որ իրենց հանձնաժողովը ինչ-ինչ փաստեր նախկինում կոծկել է, Սամվել Նիկոյանը հայտարարեց, թե իրենց հանձնաժողովը քննել է միայն այն փաստերը, որոնք տրամադրել են պատկան մարմինները. «Եթե ստեղծվի «Մարտի 1-ի» գործը քննող ևս մեկ հանձնաժողով, ես միայն կողջունեմ»:
Առաջիկայում սպասվում է ՄԻԵԴ որոշումը «Մարտի 1-ի» 9 զոհերի իրավահաջորդների հայցով: Այս կապակցությամբ Ս. Նիկոյանն ասաց. «Եվրադատարանի վճռից որևիցե ակնկալիք չունեմ: Եվ չեմ էլ ցանկանում դրա մասին դատողություն անել, կամ խոսել»:
Սամվել Նիկոյանը factor.am-ի հետ զրույցում նաև բացահայտեց, որ ՀՀԿ-ում ևս թեկնածուներն իրարից ձայներ են խլել: «Ձայներ խլելու մասին, այդ առումով Դուք լրիվ ճիշտ եք, որովհետև այս ընտրությունները տարբերվում էին մնացած բոլոր ընտրություններից, որովհետև բոլորը բոլորին մրցակիցներ էին»,- ասաց Նիկոյանը:
Անդրադառնալով ընտրություններում բաժանված ընտրակաշառքին՝ ՀՀԿ ներկայացուցիչն ասաց, թե «ընտրակաշառքը լրագրողների շրջանառության մեջ դրած գաղափարն է» և որ իրեն որևէ մեկը երբևէ ընտրակաշառք չի առաջարկել:
ՀՀԿ-ՀՅԴ կոալիցիայի հետ կապված՝ ՀՀԿ ներկայացուցիչը հերքեց տեսակետը, թե այդ կոալիցիան ՀՀԿ միահեծան իշխանությունը քողարկելու միջոց է, և ասաց, թե դեռևս Սահմանադրական հանրաքվեից առաջ ընդդիմադիր ՀՅԴ-ի մոտեցումները համահունչ էին այն քաղաքական կուրսին, որն իրենք իրականացնում էին, «և ՀՅԴ-ի մոտ կար ցանկություն դա միասին անելու»:
Շարունակությունը ` ՀՀԿ պատգամավոր, ՀՀԿ ԳՄ անդամ Սամվել Նիոկյանի հետ factor.am-ի հարցազրույցում:
Մարինե Խառատյան
