15.12.2025 | 13:40
Այո՛, ժողովրդավարությունը պետք է փող ունենա. Գևորգ Պապոյանը` ԵՄ-ի աջակցության մասին. ՏԵՍԱՆՅՈՒԹ
Իրենց հրամանատարն էլ գնացել է կողքի զուգարան, պետք է ահաբեկվե՞նք դրանից․ Դավիթ Բաբայանը՝ հակառակորդի տանկերի տեղաշարժի մասին
Քաղաքականություն
11.05.2017 | 12:38
Հակառակորդի կողմից արցախա-ադրբեջանական զորքերի շփման գծում այս գիշեր 82 միլիմետրանոց 4 արկի և Դ-44 տիպի 8 հրանոթների կիրառումն ամենևին լայնածավալ պատերազմական գործողությունների վերսկսման վտանգի մասին չի խոսում։ Այս մասին Factor.am-ի հետ զրույցում ասաց Արցախի Հանրապետության նախագահի մամուլի խոսնակ Դավիթ Բաբայանը։
«Մենք բազմիցս ասել ենք, որ սա Ադրբեջանի էությունն է, այն ահաբեկչական պետություն է և բնական է, որ նման քայլերի է դիմում․ առավել ևս մայիսյան եռատոնի ժամանակահատվածում»,- ասաց Դավիթ Բաբայանը։
Մեր դիտարկմանը, որ գիշերը նաև տանկերի տեղաշարժ է եղել սահմանում, Բաբայանն արձագանքեց․ «Հետո՞ ինչ, ասենք 10 տանկ է գնացել-եկել, իրենց հրամանատարն էլ գնացել է կողքի զուգարանը, ի՞նչ է, պետք է ահաբեկվե՞նք դրանից, տանկն ինչի՞ համար է, որ շարժվի»։
Բաբայանը շեշտում է․Ադրբեջանի էությունն այսպիսին է, Արցախում էլ արդեն սովորել են ու«տարօրինակ զարգացում չկա»։ Ինչ վերաբերում է Ադրբեջանի նախագահ Իլհամ Ալիևի կոչին՝ ուղղված մահմեդական երկրներին՝ չհամագործակցել Հայաստանի հետ, Դավիթ Բաբայանն ասաց․ «Բաքվի իշխանությունները միշտ էլ փորձել են այս հակամարտությանը հաղորդել կրոնական երանգ, որն իրականության մեջ գոյություն չունի։Սա կրոնական հակամարտություն չէ, և ևս մեկ անգամ ցույց է տալիս, որ Ադրբեջանը դիմում է ծայրահեղ ահաբեկչական քաղաքականության․ իրենց շովինիզմը փորձում են թաքցնել կրոնական երանգի ներքո»։
Արդեն տեղեկացրել ենք, որ երեկ երեկոյան Ադրբեջանը կրակ է բացել «Շանթ» հեռուստաընկերության նկարահանող խմբի մեքենայի ուղղությամբ, ինչի հետևանքով հեռուստաընկերության օպերատորը վիրավորվել է։
Սեդա Ղուկասյան
