25.11.2024 | 21:45
Սարի հակառակ կողմը. ՏԵՍԱՆՅՈՒԹ
Հակառակորդի կրակոցից վիրավորված «Շանթ» հեռուստաընկերության օպերատորին Ստեփանակերտում վիրահատել են
11.05.2017 | 11:36
«Շանթ» հեռուստաընկերության «Դիրքերում» հաղորդաշարի նկարահանող խումբը արցախա-ադրբեջանական շփման գծի հյուսիսային հատվածում երեկ երեկոյան գնդակոծության է ենթարկվել․ նկարահանող խմբի օպերատոր Դավիթ Աթոյանին վնասվածքներով տեղափոխել են հիվանդանոց։ Այս մասին Factor.am-ի հետ զրույցում ասաց նկարահանման խմբի ռեժիսոր Արշակ Զաքարյանը։
«Վիրահատել են Դավիթին, վիճակը նորմալ է»,- ասաց նա՝ չցանկանալով վնասվածքների մասին խոսել։
Տեղեկացնենք, որ վիրավորում ստացած օպերատորը Ստեփանակերտի կենտրոնական հոսպիտալում է։ Այնտեղից չցանկացան վիրավորի վիճակի մասին տեղեկություն հաղորդել։ Ի դեպ, երեկ երեկոյան, ըստ ԱՀ ՊԲ-ի հաղորդագրության, հակառակորդը Թափկարակոյունլու-Թալիշ ուղղությամբ կատարել է զրահատեխնիկայի (շուրջ 10 տանկ) տեղաշարժ։
Սեդա Ղուկասյան
Լուսանկարը՝ «Շանթ» ՀԸ-ի
