08.08.2026 | 17:22
Եվրոպայի մի շարք խոշոր գետերում ուժեղից մինչև ծայրահեղ սակավաջրություն է դիտվում
Ալեքսանդր Լապշինը կալանքից ազատ է արձակվել. փաստաբան
Քաղաքականություն
12.09.2017 | 12:43
Ադրբեջանի նախագահ Իլհամ Ալիևի կողմից ներման արժանացած բլոգեր, Իսրայելի և Ռուսաստանի քաղաքացի Ալեքսանդր Լապշինը կալանքից ազատ է արձակվել, սակայն դժվար թե Ադրբեջանից երեքշաբթի արտաքսվի, ասել է բլոգերի փաստաբան Էդուարդ Չերնինը, փոխանցում է ria.ru-ն:
«Դեռ ոչ մի նորություն։ Լապշինն ազատ է արձակվել։ Սակայն դժվար թե այսօր Ադրբեջանից վտարվի»,– ասել է Չերնինը։ Հարցին, թե կոնկրետ ինչ խոչընդոտներ կան Լապշինի արտաքսման ճանապարհին, փաստաբանը պատասխանել է, թե ոչինչ չի կարող ասել այդ կապակցությամբ։
Ավելի ուշ փաստաբանը տեղեկացրել է, որ արտաքսումը կտևի 1-2 օր ու որդու հետևից Բաքու կժամանի բլոգերի մայրը:
