10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Ավազակային հարձակման թիրախ է դարձել դեղատունը. «Փաստինֆո»
Հասարակություն
11.09.2017 | 15:16
Երեւանում ավազակային հարձակում է տեղի ունեցել Կենտրոնում գործող դեղատներից մեկի աշխատակցի վրա։
«Փաստինֆո»-ի տեղեկությունները հաստատեցին ՀՀ քննչական կոմիտեից՝ նշելով, որ սեպտեմբերի 9-ին՝ ժ.22.50-ին, ահազանգ է ստացվել, որ Սարյան փողոցի վրա գործող դեղատներից մեկը ատրճանակով զինված մարդ է մտել:
«Ահազանգն ստանալուց հետո անմիջապես դեպքի վայր է մեկնել քննչական-օպերատիվ խումբը։ Նախնական տվյալներով՝ սեպտեմբերի 9-ին ժ.22.30-ին անհայտ անձը, բժշկական դիմակով և ատրճանակով մտել է դեղատուն և պահանջել դրամարկղի գումարը, սակայն առանց գումար հափշտակելու դիմել է փախուստի»,- ասացին ՔԿ լրատվական ծառայությունից։
Նույն աղբյուրի համաձայն՝ դեպքի վայրի զննությամբ՝ Սարյան փողոցում հայտնաբերվել է գետնին գցած բժշկական դիմակ, գլխարկ և խաղալիք ատրճանակ, որը առգրավվել է։
Հարուցվել է քրեական գործ։
