Հասարակություն
11.09.2017 | 14:45
Իսրայելի և Ռուսաստանի Դաշնության քաղաքացի, բլոգեր Ալեքսանդր Լապշինին ներում շնորհելու քայլը ես համարում եմ Ադրբեջանի պարտություն: Այս մասին «Արցախպրես»-ի թղթակցի հետ զրույցում նշել է Արցախի Հանրապետության նախագահի մամլո քարտուղար Դավիթ Բաբայանը և հավելել, որ Ադրբեջանը կամովին երբևէ այդպիսի քայլի չէր գնա: Կան մի շարք հանգամանքներ, որոնք պարտադրել են Ալիևին՝ նման քայլ կատարելու:
«Պետք է նշեմ, որ Ադրբեջանում ձերբալկալության ժամանակ Լապշինը կարողացել է արժանապատիվ դիմանալ բոլոր այն տանջանքներին, որին ենթարկվել է. նրա պայմանները շատ նման էին համակենտրոնացված ճամբարներում հրեաների նկատմամբ վարվող քաղաքականությանը: Այս պարագայում չի բացառվում, որ Իսրայելը և մի շարք այլ պետություններ Ադրբեջանի վրա ճնշումներ են գործադրել: Առկա են այլ առաջադեմ ուժերի միջամտությունները ևս»,- ասել է Դ. Բաբայանը:
