25.04.2024 | 19:23
Հայաստանի ու Սերբիայի ԱԳ նախարարներն անդրադարձել են տարածաշրջանային հարցերի
Մենք ի՞նչ ավելի լավ առաջա՞րկ ունենք այլ երկրների կողմից. Գագիկ Ծառուկյանը՝ ԵՏՄ-ից դուրս գալու մասին
Քաղաքականություն
11.09.2017 | 11:23
«Ցանկացած կուսակցություն իրավունք ունի առաջարկ անելու ու ներկայացնելու: Եվ ես իմ թիմին այսօր հրահանգել եմ, որ ցանկացած կուսակցություն, երբ հարց է բարձրացնում, պարտավոր եք ներկա լինելու, քննարկելու և համապասխան որոշում կայացնելու: Հլա թող մի հատ ներկայացնեն: Մենք ի՞նչ ավելի լավ առաջա՞րկ ունենք այլ երկրների կողմից, որ ներդրումներ կլինեն, տարեկան 4 մլրդ կներդնեն, ժողովրդի վիճակը կլավանա, անվտանգությունն ավելի ապահով կլինի: Պետք լինի, կքննարկենք, և հնարավոր է մենք այլ կերպ անդրադառնանք»,- այս մասին խորհրդարանում Factor.am-ի հարցին ի պատասխան, ինչ դիրքորոշում ունեն ԵՏՄ-ից դուրս գալու ԱԺ «Ելք» խմբակցության ներկայացրած նախաձեռնության հետ կապված, կո՞ղմ կքվեարկեք, թե՞ դեմ, հայտարարեց «Ծառուկյան դաշինք» խմբակցության ղեկավար Գագիկ Ծառուկյանը:
Ծառուկյանի համոզմամբ՝ Հայաստանում ԵՏՄ-ի հնարավորությունները ճիշտ չեն օգտագործում. «200 միլիոնանոց շուկա է: Կարելի է այդ հարցն էլ քննարկել, թե ինչ կարելի է անել: Անհնարին ոչինչ չկա: Հարկավոր է նայել ու քննարկել առաջարկը, ոչ թե աչքի տեղը ունքն էլ հանել: Եվրամիության հետ էլ ասում են, բայց մենք տեղյակ չենք: Մեզ չեն ասում՝ ինչ ենք անում: Երբ կտեղեկանանք, համապատասխան կասենք: Այլ հարցեր ունե՞ք»:
Մանրամասները՝ տեսանյութում:
Շողիկ Գալստյան
