Հասարակություն
07.09.2017 | 15:05ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը պահանջում է քաղաքացիներից օգտվել միայն կանոնավոր ուղևորափոխադրումներից: Կառավարության նիստից հետո լրագրողների հետ զրույցում Մարտիրոսյանն ասաց, որ փորձը ցույց է տալիս՝ վերջին շրջանում բոլոր վթարները տեղի են ունենում ոչ կանոնավոր ուղևորափոխադրումներ իրականացնողների մասնակցությամբ:
«Պետք է ավտոկայանից շարժվեն, այնտեղից տոմսեր գնեն, որովհետև մեքենաները ստուգվում են, կանոնավոր ուղևորափոխադրումներ են իրականացվում»,- նշեց նախարարը:
Ավելի վաղ, Factor.am-ը գրել էր, որ Մցխեթա-Ստեփանծմինդա-Լարս ավտոճանապարհին այս գիշեր տեղի է ունեցել վթար, որի հետևանքով զոհվել է երկու հայ, վիրավորվել ՀՀ երեք քաղաքացի:
Մանրամասները՝ տեսանյութում:
Շողիկ Գալստյան
