Մցխեթա-Ստեփանծմինդա-Լարս ավտոճանապարհին այս գիշեր տեղի ունեցած վթարի հետևանքով զոհվել է երկու հայ, վիրավորվել ՀՀ երեք քաղաքացի, տեղեկացնում են ՀՀ ԱԳՆ լրատվական ծառայությունից։
«Ըստ Վրաստանում ՀՀ դեսպանության նախնական տվյալների՝ ս.թ. սեպտեմբերի 7-ին Մցխեթա-Ստեփանծմինդա-Լարս ավտոճանապարհին տեղի ունեցած վթարի արդյունքում զոհվել է ազգությամբ երկու հայ, վիրավորվել ՀՀ երեք քաղաքացի, ովքեր տեղափոխվել են Մցխեթայի բուժկենտրոն: ՀՀ դեսպանությունը մշտական կապի մեջ է տեղի իշխանությունների հետ և լրացուցիչ տեղեկատվություն կտրամադրենք հավելյալ: Մեր խորին ցավակցությունն ենք հայտնում զոհվածների ընտանիքի անդամներին և հարազատներին, արագ ապաքինում մաղթում տուժածներին»,- նշված է ԱԳՆ հաղորդագրության մեջ։
