07.04.2026 | 18:36
Կրակել է համագյուղացու ուղղությամբ, որը մահացել է. ոստիկանները «Զվարթնոց» օդանավակայանում ձերբակալել են 41-ամյա բնակչին
Ի՞նչ հիմքով մեդալ չտայինք. Լևոն Մկրտչյանը՝ Հրազդանի քաղաքապետի որդուն մեդալ տալու մասին
Հասարակություն
07.09.2017 | 13:21
ՀՀ Կրթության և գիտության նախարար Լևոն Մկրտչյանի համոզմամբ՝ Հրազդանի քաղաքապետի որդուն՝ Ռազմիկ Դանիելյանին, առաջադիմության համար ոսկե մեդալ շնորհելը ճիշտ էր և չպետք է այն կապել նրա նկատմամբ հարուցված քրեական գործի հետ:
«Որևէ պաշտոնյայի երեխա իրավունք չունի՞ մեդալից օգտվելու»,- լրագրողների հարցից տարակուսեց ԿԳ նախարարը:
Հիշեցնենք՝ ուսումնական տարվան ընդառաջ նախագահական նստավայրում մի շարք աշակերտներ բարձր առաջադիմության համար նախագահ Սերժ Սարգսյանի կողմից ոսկե մեդալի արժանացան, այդ թվում՝ Հրազդանի քաղաքապետ Արամ Դանիելյանի որդին՝ Ռազմիկ Դանիելյանը: Քաղաքապետի անչափահաս որդին ամիսներ առաջ ծառայողական մեքենայով վրաերթի էր ենթարկել հրազդանցի 58-ամյա քաղաքացու, որը մահացել էր: Հարուցված է քրեական գործ, ընթանում է նախաքննություն:
Մանրամասները՝ տեսանյութում:
Շողիկ Գալստյան
