30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Քննչական գործողություններ են իրականացվում Արարատի մարզի 80-ամյա բնակչի սպանության հանգամանքները պարզելու ուղղությամբ
Հասարակություն
07.09.2017 | 11:13
ՀՀ քննչական կոմիտեի Արարատի մարզային քննչական վարչության Վեդիի քննչական բաժնում ձեռնարկվում են անհրաժեշտ քննչական գործողություններ՝ Արարատի մարզի բնակչի սպանության հանգամանքները պարզելու ուղղությամբ:
Ինչպես տեղեկացնում են ՀՀ քննչական կոմիտեից, 2017 թվականի սեպտեմբերի 6-ին՝ ժամը 22:30-ին, ահազանգ է ստացվել առ այն, որ Արարատի մարզի Ոսկետափ գյուղի բնակչի դին հայտնաբերվել է իր տան բակում՝ վնասվածքներով։
Անմիջապես դեպքի վայր է մեկնել քննչական-օպերատիվ խումբը: Ոսկետափ գյուղի տներից մեկի բակում հայտնաբերվել է նույն տան բնակիչ, 1937թ. ծնված Ս.Թադևոսյանի դիակը՝ բռնության հետքերով:
Դեպքի առթիվ ՀՀ ՔԿ Արարատի մարզային քննչական վարչության Վեդիի քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով:
Ձեռնարկվում են անհրաժեշտ քննչական և դատավարական այլ գործողություններ՝ սպանության հանգամանքները պարզելու, ենթադրյալ հանցագործություն կատարած անձին հայտնաբերելու ուղղությամբ: Նշանակվել են դիակի դատաբժշկական, դատահետքաբանական և դատակենսաբանական փորձաքննություններ:
