22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Ռուսաստանը չի ճանաչում Հյուսիսային Կորեայի միջուկային կարգավիճակը. Պուտին
Քաղաքականություն
06.09.2017 | 14:41
Ռուսաստանի նախագահ Վլադիմիր Պուտինը կորեացի իր գործընկեր Մուն Չժե Ինի հետ հանդիպմանը հայտարարել է, որ ռուսական կողմը չի ճանաչում Հյուսիսային Կորեայի միջուկային կարգավիճակը. փոխանցում է interfax.ru-ն:
«Հարավային Կորեայի նախագահ Մուն Չժե Ինին հաստատել եմ մեր սկզբունքային դիրքորոշումը, այն է, որ մենք չենք ճանաչում Հյուսիսային Կորեայի միջուկային կարգավիճակը։ Փհենյանի հրթիռա-միջուկային ծրագիրը կոպտորեն խախտում է ՄԱԿ ԱԽ բանաձևերը, խաթարում չտարածման ռեժիմը, ստեղծում անվտանգության սպառնալիք Հյուսիսարևելյան Ասիայում»,- ասել է նա։
ՌԴ ղեկավարը նաև ընդգծել է, որ Փհենյանի նկատմամբ կիրառվող պատժամիջոցները չեն լուծի ԿԺԴՀ-ի խնդիրը: «Այժմ, առավել քան երբևէ, հարկ է սառնասրտություն ցուցաբերել և խուսափել քայլերից, որոնք լարվածության կհանգեցնեն»,- ասել է նա:
