10.09.2026 | 21:29
Քաղաքական խորհրդակցություններ՝ ՀՀ-ի և Լեհաստանի արտաքին գերատեսչությունների միջև
Հունահռոմեական ըմբիշները կմասնակցեն Մ 23 տարեկանների աշխարհի առաջնությանը
05.09.2017 | 16:26
Հունահռոմեական ըմբշամարտի Հայաստանի հավաքականը նոյեմբերի 21-26-ը Լեհաստանում կմասնակցի Մ 23 տարեկանների աշխարհի առաջնությանը: Այս մասին լրագրողների հետ զրույցում հայտնել է ազգային հավաքականի գլխավոր մարզիչ Լեւոն Ջուլֆալակյանը:
Մարզիչը խոսել է թիմի առաջիկա ծրագրերի մասին.
«Սեպտեմբերի 29-ից հոկտեմբերի 2-ը փոքր կազմով Ղազախստանում կմասնակցենք Բոլատ Տուլիխանովի մրցաշարին: Այն նպատակային է. հանդես են գալու Արսեն Ջուլֆալակյանը եւ Սարգիս Քոչարյանը: Արսենը բավականին ժամանակ է մրցաշարերի չի մասնակցել, իսկ Սարգսին փորձ է հարկավոր Մ 23 տարեկանների աշխարհի առաջնությունից առաջ:
Արսեն Ջուլֆալակյանը հունվարից կպատրաստվի նոր կանոններով պաշտոնական մրցաշարերին:
Ղազախստանից վերադառնալուց հետո ուսումնամարզական հավաք կանցկացնենք, ապա կմեկնենք Լեհաստան՝ Մ 23 տարեկանների աշխարհի առաջնություն: Այնտեղ նախատեսում ենք չորս ըմբիշի մասնակցություն»,- ասել է մարզիչը:
Լեւոն Ջուլֆալակյանը հայտնեց նաեւ, որ ավանդույթի համաձայն տարին կեզրափակեն դեկտեմբերյան ուսումնամարզական հավաքով:
