24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Գերմանիայի կառավարության խոսնակ. «Թուրքիան առայժմ պատրաստ չէ ԵՄ անդամ դառնալ»
Քաղաքականություն
05.09.2017 | 13:55
Գերմանիայի կառավարության խոսնակ Շթեֆեն Զայբերտը հայտարարել է, որ Թուրքիան առայժմ պատրաստ չէ Եվրամիության (ԵՄ) անդամ դառնալ. փոխանցում է ermenihaber-ը:
Ինչպես տեղեկացնում է թուրքական «Aktifhaber» լրատվական կայքը, Զայբերտը նշել է, որ այս պահին Թուրքիան այն վիճակում չէ, որ անդամակցի ԵՄ-ին: Բացի այդ, ըստ Գերմանիայի կառավարության խոսնակի, Թուրքիայի հետ ԵՄ բանակցությունները գործնականում դադարեցված են:
Զայբերտը հայտնել է, որ ԵՄ-ին անդամակցելու շուրջ Թուրքիայի հետ հետագա բանակցությունների հարցը կքննարկվի ԵՄ-ի գագաթնաժողովի ժամանակ, որը տեղի կունենա հոկտեմբերի 19-20-ին Բրյուսելում:
Նշենք, որ 1999 թ. Թուրքիային շնորհվել էր ԵՄ-ի թեկնածու երկրի կարգավիճակ: Իսկ ԵՄ-ին անդամակցելու շուրջ բանակցություննները սկսվել էին դեռևս 2005թ. հոկտեմբերի 3-ից:
2016թ. նոյեմբերի 24-ին Եվրախորհրդարանը 479 կողմ, 37 դեմ և 107 ձեռնպահ ձայնով ընդունել էր Թուրքիայի՝ եվրաինտեգրման շուրջ բանակցությունների սառեցման մասին որոշում, որը պայմանավորված էր Թուրքիայում տիրող քաղաքական իրավիճակով:
