15.10.2026 | 10:19
Բողոքի ակցիա Կառավարության շենքի դիմաց՝ COP17-ի նախաշեմին. ՈՒՂԻՂ
Մահվան ելքով պատահարից հետո՝ պարգև. Սերժ Սարգսյանը պարգևատրել է Հրազդանի քաղաքապետի որդուն. «Հրապարակ»
05.09.2017 | 10:25
«Հրապարակ» թերթը գրում է. «Հրազդանի քաղաքապետի որդու՝ մահվան ելքով վրաերթի դեպքից հետո ո՛չ հայրը՝ Արամ Դանիելյանը, պատժվեց, ո՛չ որդին՝ Ռազմիկ Դանիելյանը։
Քաղաքապետը շարունակում է պաշտոնավարել, իսկ նրա անչափահաս որդուն, որը հոր ծառայողական մեքենայով, առանց վարորդական իրավունքի, վրաերթի էր ենթարկել փողոցում իր գործն անող 58-ամյա մարդուն, ոչ միայն չձերբակալեցին, այլև օրերս հյուրընկալել են ՀՀ նախագահի նստավայրում և պարգևատրել։
Գիտելիքի և դպրության օրվա կապակցությամբ Սերժ Սարգսյանը 2016-2017 ուստարում բարձր առաջադիմություն ցուցաբերած դպրոցականներին, այդ թվում՝ նաև Ռազմիկ Դանիելյանին, ոսկե մեդալ է տվել։ Սա, թերևս, իրավապահները որպես քրեական գործը կոծկելու հրահանգ ընկալեն»:
Առավել մանրամասն՝ թերթի այսօրվա համարում:
