01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Նիկոլ Փաշինյանը Երևանից Դսեղ ուղղաթիռով է մեկնել. խոսնակը հաստատում է
Քաղաքականություն
19.02.2019 | 18:34
Լուսանկարը՝ վարչապետի պաշտոնական էջի արխիվից
Վարչապետ Նիկոլ Փաշինյանը Հովհաննես Թումանյանի 150-ամյակի միջոցառմանը մասնակցելու համար Դսեղ մեկնել է ուղղաթիռով: Այս տեղեկությունը Factor.am-ի հետ զրույցում հաստատեց վարչապետի մամուլի խոսնակ Վլադիմիր Կարապետյանը:
Factor.am-ի հարցին՝ ինչո՞ւ է վարչապետը Լոռու մարզ մեկնել ուղղաթիռով, խոսնակը պատասխանեց. «Տնտեսելու համար ժամանակը, ավելի արագ հասնելու»:
Դիտարկմանը՝ ուղղաթիռով ներհանրապետական նմանատիպ այցերը զգալի ծախս չե՞ն պետության համար, Վլադիմիր Կարապետյանը պատասխանեց. «Ի՞նչ առումով, վառելիքի առումո՞վ: Չգիտեմ, պետք է հաշվել: Ես կարծում եմ, որ դժվար ճոխություն լինի, որովհետև ուղղաթիռում բավականին չափ մարդիկ են տեղավորվում և այդ առիթով կարող է նույնիսկ տնտեսում լինի: Վստահ չեմ, թե ինչքան մեքենա կգնար, պետք է ճշտել, ես կճշտեմ»:
Նարեկ Կիրակոսյան
