18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Միջնորդների ջանքերը հանգեցրել են ԼՂ հակամարտության գոտում լարվածության նվազման. Անատոլի Սիդորով
Քաղաքականություն
06.02.2019 | 16:49
Միջազգային միջնորդների և տարածաշրջանի պետությունների համատեղ ջանքերը հանգեցրել են ղարաբաղյան հակամարտության գոտում լարվածության որոշակի նվազման հասնել:
«2018 թ. ՀԱՊԿ հավաքական անվտանգության համակարգի ստորաբաժանումների և կառավարման մարմինների համատեղ նախապատրաստության արդյունքները և 2019-ի խնդիրները» թեմայով ասուլիսի ժամանակ այս մասին ասաց ՀԱՊԿ միացյալ շտաբի պետ, գեներալ-գնդապետ Անատոլի Սիդորովը:
Նրա խոսքով՝ այդ ջանքերն ակտիվացրել են երկխոսությունը, որն անհրաժեշտ է ղարաբաղյան հակամարտության խաղաղ կարգավորմանն ուղղված հետագա աշխատանքի համար: «Հայաստանի և Ադրբեջանի ղեկավարների՝ կանոնավոր դարձած հանդիպումները թույլ են տվել որոշակի պայմանավորվածությունների հանգել ընդունված միջոցների հարցում՝ ուղղված վստահության ամրապնդմանը և խաղաղ գործընթացի համար պայմանների ստեղծմանը։ Վերջին տասնամյակներում առաջին անգամ բարձր մակարդակով ուղիղ գիծ է հաստատվել»,- նշեց ՀԱՊԿ պաշտոնյան:
Միաժամանակ, Սիդորովի կարծիքով, Հավաքական անվտանգության կովկասյան տարածաշրջանում բարդ իրադրություն է պահպանվում, ինչը պայմանավորված է, առաջին հերթին, նրա սահմաններին կոնֆլիկտային բարձր պոտենցիալի առկայությամբ, ինչպես նաև ԱՄՆ-ի և Արեւմուտքի երկրների՝ իրենց ազդեցությունը տարածաշրջանում ամրապնդելու ձգտմամբ:
Կովկասում անվտանգության մարտահրավեր է մնում Աբխազիայի և Հարավային Օսիայի հետ կապված իրավիճակը: «Վրաստանը, երկխոսության պատրաստակամություն ցուցադրելով, փաստացի արգելափակում է ժնևյան ձևաչափով աբխազական և հարավօսական հակամարտության կարգավորման հարցով բանակցային գործընթացը:
Ընդ որում՝ Վրաստանը կասեցնում է բանակցային գործընթացը՝ հրաժարվելով պարտավորություններ ստորագրել Աբխազիայի եւ Հարավային Օսիայի հանդեպ ուժ չկիրառելու մասին: Արևմուտքի երկրներն իրենց կողմից նախկինի պես այս հարցում սատարում են Թբիլիսիին՝ իրավիճակի սրման համար նախադրյալներ ստեղծելով»,- հավելեց նա:
