29.12.2025 | 10:10
Արտարժույթների փոխարժեքները՝ դեկտեմբերի 29-ի դրությամբ
Նոր օրենքով՝ ԱՄՆ-ում ապրելու թույլտվություն ստանալու համար թեկնածուն պետք է հավաքի 30 միավոր. CNN
Քաղաքականություն
07.08.2017 | 14:01
Օգոստոսի 2-ին, ԱՄՆ նախագահ Դոնալդ Թրամփը հայտնել է իր աջակցությունը այն օրինագծին, որը ենթադրում է օրինական ներգաղթի զգալի կրճատում և ներկայիս գործող աշխատանքային վիզաների տրամադրման համակարգի փոխարեն նոր բալային համակարգի ներդրում:
Այդ ծրագիրը նման է Ավստրալիայում և Կանադայում գործող համակարգերին նրանով, որ պոտենցիալ ներգաղթյալներին միավորներ են տրվում տարբեր կատեգորիաներում գնահատման արդյունքներով:
Այդ համակարգի համաձայն՝ ամենամյա քվոտայով հասանելի 140 000 վիզաները կբաշխվեն առաջին հերթին առավելագույն միավորներ հավաքածների միջև: Այս մասին գրում է ամերիկյան CNN-ը:
Այդ ծրագրի համաձայն՝ առանց յուրահատուկ հանգամանքներ հաշվի առնելու՝ առավելագույն միավորներ կարող է ակնկալել, օրինակ, 26-31 տարեկան թեկնածուն, որը ԱՄՆ-ում դոկտորի կամ պրոֆեսորի աստիճան է ստացել: Թեկնածուն պետք է գրեթե կատարելապես տիրապետի անգլերենին:
Սույն կատեգորիայի տակ են նաև Օլիմպիական մեդալ կամ Նոբելյան մրցանակ ունեցող անձինք:
Վիզայի հայտ ներկայացնելու համար թեկնածուն պետք է առնվազն 30 միավոր հավաքի:
Ստորև ներկայացնում ենք միավորները հաշվելու կարգը՝
Տարիք
Նախապատվությունը տրվում է աշխատունակ տարիքի թեկնածուներին: 18-21 տարեկան թեկնածուն ստանում է 6 միավոր, 22-25 տարեկան՝ 8 միավոր, 26-30 տարեկան՝ 10 միավոր:
Ավելի մեծ տարիքի մարդկանց համար միավորները հաշվվում են նվազման կարգով՝ 31-35 տարեկան թեկնածուներին 8 միավոր կտան, 36-40 տարեկան՝ 6 միավոր, 41-45 տարեկան՝ 4 միավոր, 46-50 տարեկան՝ 2 միավոր:
Մինչև 18 տարեկան անչափահասներին և 50 տարեկանից մեծ անձանց միավորներ չեն տրվի: Այնուամենայնիվ, 50 տարեկանից մեծ մարդիկ կարող են վիզայի հայտ ներկայանցել:
Կրթություն
Միավորները տրվում են թեկնածուի կրթության մակարդակը հաշվի առնելով: ԱՄՆ միջնակարգ դպրոցի դիպլոմ կամ արտասահմանյան ուսումնական հաստատության համարժեք փաստաթուղթ ունեցող թեկնածուն 1 միավոր է ստանում: Արտասահմանյան ուսումնական հաստատության բակալավրի դիպլոմի համար տրվում է 5 միավոր, ամերիկյանի համար՝ 6:
Արտասահմանյան համալսարանում ճշգրիտ գիտությոնների ոլորտում ստացած մագիստրոսի դիպոմը տալիս է 7 միավոր, ԱՄՆ-ում ստացածը՝ 8 միավոր: Արտասահմանյան համալսարանում ստացած պրոֆեսիոնալ կամ դոկտորական աստիճանի համար տրվում է 10 միավոր, ամերիկյանում՝ 13 միավոր:
Անգլերեն լեզվի տիրապետում
Անգլերենի իմացությունը ստուգվում է անգլերեն լեզվի ստանդարտ թեստի օգնությամբ:
Լեզվի իմացության թեստը 60%-ից պակաս մակարդակով հանձնած թեկնածուներին միավորներ չեն տրվում:
Անգլերենի 60-80% իմացությունը 6 միավոր է գնահատվում: Ավելի բարձր մակարդակի իմացությունը, օրինակ՝ 80%-90%-ի, 90%-ի, իսկ ավելի բարձր, նաև 100%, գնահատվում են 10, 11 և 12 միավորներով համապատասխանաբար:
Եթե աշխատանքի տեղավորման պաշտոնական առաջարկ ունեք
Եթե հայտ ներկայացնողն աշխատանքի հրավեր ունի, որի համար կստանա նահանգում, որտեղ աշխատելու է, ընտանիքի միջին եկամտի առնվազն 150%-ի չափ աշխատավարձ, նրան 5 միավոր է տրվում: Եթե առաջարկվող աշխատավարձը կազմում է նահանգում միջին աշխատավարձի 200%-ի կամ 300%-ի չափ, նա ստանում է համապատասխանաբար 10 կամ 13 միավոր:
Նոբելյան մրցանակ
Նոբելյան մրցանակի կամ «համարժեք» մրցանակի համար 25 միավոր է տրվում:
Օլիմպիական մրցանակներ
Անհատական մրցույթում Օլիմպիական խաղերում կամ նման միջազգային սպորտային մրցույթներում մեդալ շահած թեկնածուները ստանում են 15 միավոր:
Ներդրողներ
Այս ծրագրի համաձայն՝ ԱՄՆ-ի տարածքում «նոր կոմերցիոն ձեռնարկության» ստեղծման համար, որը կաշխատի 3 տարի և որի կառավարումը կլինի հայտ ներկայացնողի գործունեության հիմնական բնույթը, 1,35 մլն դոլար ներդրողին տրվում է 6 միավոր: Եթե ներդրման ծավալը կազմում է 1,8 մլն դոլար, 12 միավոր է տրվում:
Ամուսիններ
Օրինագծի համաձայն՝ իրենց հետ ամուսնուն/կնոջը տանել ցանկացող դիմողները պետք է հաշվի առնեն, որ իրենց ամուսինները/կանայք ստանան նույն կատեգորիայի միավորները:
