16.09.2026 | 17:11
Գազայում շենքի փլուզման հետևանքով առնվազն 20 պաղեստինցի է զոհվել, տասնյակ մարդիկ փլատակների տակ են․ ՏԵՍԱՆՅՈՒԹ
Մոլդովան ՌԴ փոխվարչապետ Ռոգոզինին persona non grata՝ «անցանկալի անձ» է ճանաչել
Քաղաքականություն
02.08.2017 | 17:26
Մոլդովայի կառավարությունն Ռուսաստանի Դաշնության փոխվարչապետ Դմիտրի Ռոգոզինին persona non grata՝ «անցանկալի անձ» է ճանաչել , հայտնում է ria.ru-ն:
«Առաջարկում եմ փոխվարչապետ Դմիտրի Ռոգոզինին «անցանկալի անձ» ճանաչել Մոլդովայում և արգելել նրան հատել մեր երկրի տարածքը»,- նիստի ժամանակ հայտարարել է երկրի արտգործնախարար Անդրեյ Գալբուրը:
Որոշմանը կողմ է արտահայտվել կառավարության անդամների մեծամասնությունը:
Գալբուրի խոսքով՝ Ռոգոզինը վերջերս վիրավորական և անբարյացակամ բնույթի հայտարարություններ է կատարել. «Եվ այդ հայտարարությունները հակասում են այն հարաբերությունների բնույթին, որոնք փորձում են կառուցել Մոլդովան և ՌԴ-ն»:
Նշենք, որ Ռոգոզինն ավելի վաղ մեղադրել էր Մոլդովայի իշխող կուսակցության առաջնորդ Վլադիմիր Պլախոտնյուկին Քիշնև իր այցը տապալելու համար: «Նրա նպատակն էր մեզ Ռումինիայի դեմ հանել, և դա արել են ուրիշի միջոցով»,- հայտարարել է Ռոգոզինը: Նա նշել է, որ իր թռիչքի ճանապարհն ամբողջությամբ համաձայնեցված է եղել Մոլդովայի իշխանությունների հետ:
Ինչպես ավելի վաղ հայտնել էր factor.am-ը՝ Ռումինիան փակել էր օդային տարածքը ՌԴ փոխվարչապետի ինքնաթիռի համար, իսկ ՌԴ-ն բողոքի նոտա էր հղել:
